National
ബോംബെ ഹൈക്കോടതി കെട്ടിടത്തിന് ബോംബ് ഭീഷണി; വ്യാജ സന്ദേശമെന്ന് പോലീസ്
ഔറംഗബാദിലെ പോലീസ് കണ്‍ട്രോള്‍ റൂമിലേക്കാണ് ബിഹാറില്‍ നിന്ന് ഭീഷണി കോള്‍ ലഭിച്ചത്.
ഔറംഗബാദ്| ബോംബെ ഹൈക്കോടതിയുടെ ഔറംഗബാദ് ബെഞ്ചിന്റെ കെട്ടിടത്തില്‍ ബോംബ് വെച്ചെന്ന സന്ദേശം വ്യാജം. പോലീസ് നടത്തിയ പരിശോധനയിലാണ് വ്യാജമാണെന്ന് തിരിച്ചറിഞ്ഞത്. ചൊവ്വാഴ്ച വൈകീട്ട് 5.45-നാണ് ഔറംഗബാദിലെ പോലീസ് കണ്‍ട്രോള്‍ റൂമിലേക്ക് ബിഹാറില്‍ നിന്ന് ഭീഷണി കോള്‍ ലഭിച്ചത്.
എന്നാല്‍ പുണ്ഡലിക് നഗര്‍ പോലീസ് സ്റ്റേഷനിലെയും ബോംബ് ഡിറ്റക്ഷന്‍ ആന്‍ഡ് ഡിസ്പോസല്‍ സ്‌ക്വാഡിന്റെയും സംഘങ്ങള്‍ ഹൈക്കോടതി കെട്ടിടത്തിലെത്തി വ്യാപക തിരച്ചില്‍ നടത്തിയെങ്കിലും സംശയാസ്പദമായ ഒന്നും കണ്ടെത്താനായില്ല. കെട്ടിടത്തിന്റെ രണ്ട് നിലകളിലും പിന്‍ഭാഗങ്ങളിലും ഹൈക്കോടതിയുടെ പാര്‍ക്കിംഗ് ഏരിയയിലും സംഘം പരിശോധന നടത്തിയതായി ഉദ്യോഗസ്ഥര്‍ പറഞ്ഞു.
ഇതുമായി ബന്ധപ്പെട്ട് ഒരു പരാതിയും രജിസ്റ്റര്‍ ചെയ്തിട്ടില്ലെന്ന് പുണ്ഡലിക് നഗര്‍ പോലീസ് സ്റ്റേഷനിലെ ഉദ്യോഗസ്ഥന്‍ പറഞ്ഞു.
Latest
മലപ്പുറത്തുനിന്നും കാണാതായ രണ്ട് കുട്ടികളേയും കോഴിക്കോട്ടെ മാളില്‍ കണ്ടെത്തി
യു പ്രതിഭ എംഎല്‍എയുടെ മകനെതിരായ കേസ്: കേസെടുത്ത ഉദ്യോഗസ്ഥരോട് ഹാജരാകാന്‍ എക്‌സൈസ് കമ്മീഷണര്‍
വടക്കഞ്ചേരിയില്‍ ഗൃഹനാഥനെ തട്ടിക്കൊണ്ടുപോയി വഴിയില്‍ ഉപേക്ഷിച്ചു; പ്രതികള്‍ ബന്ധുക്കളെന്ന് പോലീസ്
നിയമന ശിപാര്‍ശ നല്‍കിയ ഷിനു ചൊവ്വ കായികക്ഷമത പരീക്ഷയില്‍ പരാജയപ്പെട്ടു; ചിത്തരേഷ് നടേശന്‍ പങ്കെടുത്തില്ല
മത വിദ്വേഷ പരാമര്‍ശ കേസ്; പി സി ജോര്‍ജ് കോടതിയില്‍ കീഴടങ്ങി
സംസ്ഥാനത്ത് 28 വാര്‍ഡുകളില്‍ ഇന്ന് ഉപതിരഞ്ഞെടുപ്പ്; വോട്ടെണ്ണല്‍ നാളെ
