ബജറ്റ് ചര്‍ച്ചക്ക് ഇന്ന് തുടക്കം; ധനമന്ത്രിയുടെ മറുപടി ബുധനാഴ്ച

തിരുവനന്തപുരം |  ബജറ്റിന്മേലുള്ള ചര്‍ച്ചക്ക് നിയമസഭയില്‍ ഇന്ന് തുടക്കമാകും. മൂന്നു ദിവസമാണ് ഇതില്‍ പൊതു ചര്‍ച്ച നടക്കുക. ചര്‍ച്ചക്ക് ബുധനാഴ്ച ധനമന്ത്രി മറുപടി പറയും. വ്യാഴാഴ്ച ബജറ്റ് ഉപധനാഭ്യര്‍ത്ഥന ചര്‍ച്ചയും വോട്ടെടുപ്പും നടക്കും.ഭൂനികുതി 50 ശതമാനം വര്‍ധിപ്പിച്ചതില്‍ പ്രതിപക്ഷം കടുത്ത വിമര്‍ശത്തിന് ഒരുങ്ങുന്നുവെന്നാണ് സൂചന

ഈ മാസം ഏഴിനാണ് ധനമന്ത്രി കെ എന്‍ ബാലഗോപാല്‍ ബജറ്റ് അവതരിപ്പിച്ചത്.ജെനുവരി 17 ന് നിയമസഭയുടെ ബജറ്റ് സമ്മേളനം ആരംഭിച്ചത്. മാര്‍ച്ച് 28 വരെയുള്ള കാലയളവില്‍ 27 ദിവസമാണ് നിയമസഭ സമ്മേളിക്കുക