ഡല്‍ഹിയില്‍ എയര്‍ ഇന്ത്യ വിമാനത്തില്‍ നിന്നും വെടിയുണ്ട കണ്ടെത്തി

ന്യൂഡല്‍ഹി | ഡല്‍ഹിയില്‍ എയര്‍ഇന്ത്യ വിമാനത്തില്‍നിന്നും വെടിയുണ്ട കണ്ടെത്തി. ദുബൈയില്‍നിന്ന് ഡല്‍ഹിയിലെത്തിയ എയര്‍ഇന്ത്യ വിമാനത്തിനുള്ളിലാണ് വെടിയുണ്ട കണ്ടെത്തിയത്. ഡല്‍ഹി പോലീസ് കേസെടുത്ത് അന്വേഷണം ആരംഭിച്ചു.

ഒക്ടോബര്‍ 27നാണ് സംഭവം. വിമാനത്തിലെ സീറ്റിലെ പോക്കറ്റില്‍നിന്നാണ് ശുചീകരണത്തിനിടെ ജീവനക്കാര്‍ വെടിയുണ്ട കണ്ടെത്തുകയായിരുന്നു എന്ന് ഡല്‍ഹി പോലീസ് പറഞ്ഞു. ആയുധ നിയമപ്രകാരമാണ് ഡല്‍ഹി പോലീസ് കേസെടുത്തത്. കഴിഞ്ഞ രണ്ടാഴ്ചയ്ക്കിടെ ആഭ്യന്തര-അന്താരാഷ്ട്ര വിമാനങ്ങളടക്കം 510-ഓളം വിമാനങ്ങള്‍ക്ക് നേരേ ബോംബ് ഭീഷണിയുണ്ടായ പശ്ചാത്തലത്തിലാണ് വെടിയുണ്ട കണ്ടെടുത്തത്.