Kerala
കാണാതായ വിദ്യാര്‍ഥിനികളുടെ ഫോണുകളിലേക്ക് ഒരേ നമ്പറില്‍ നിന്ന് കോള്‍; തിരൂര്‍ റെയില്‍വേ സ്റ്റേഷനില്‍ എത്തിയ ദൃശ്യങ്ങളും കണ്ടെത്തി
കോഴിക്കോട് കേന്ദ്രീകരിച്ചാണ് അന്വേഷണം പുരോഗമിക്കുന്നത്
മലപ്പുറം | താനൂരില്‍ നിന്ന് കാണാതായ പ്ലസ് ടു വിദ്യാര്‍ഥിനികളുടെ ഫോണുകളിലേക്ക് ഒരേ നമ്പറില്‍ നിന്ന് കോള്‍ വന്നതായി കണ്ടെത്തല്‍. എടവണ്ണ സ്വദേശിയുടെ പേരിലുള്ള സിം കാര്‍ഡില്‍ നിന്നാണ് കോളുകള്‍ വന്നത്. എന്നാല്‍ ടവര്‍ ലൊക്കേഷന്‍ മഹാരാഷ്ട്രയിലാണ് കാണിക്കുന്നത്. താനൂര്‍ എസ് എച്ച് ഒ ജോണി ജെ മറ്റത്തിന്റെ നേതൃത്വത്തില്‍ പെണ്‍കുട്ടികള്‍ക്കായി അന്വേഷണം ഊര്‍ജിതമാക്കി. പെണ്‍കുട്ടികളുടെ ഫോണ്‍ ഇന്നലെ ഉച്ചക്ക് രണ്ട് മണിക്കാണ് അവസാനം ഓണ്‍ ആയത്.
അതിനിടെ പെണ്‍കുട്ടികള്‍ തിരൂര്‍ റെയില്‍വേ സ്റ്റേഷനില്‍ എത്തിയ സി സി ടി വി ദൃശ്യം പുറത്തവന്നു. തിരൂര്‍ റെയില്‍വേ സ്റ്റേഷനിലെ സി സി ടി വിയിലാണ് ദൃശ്യം പതിഞ്ഞത്. ഇന്നലെ ഉച്ചക്ക് 12ന് ശേഷമാണ് പെണ്‍കുട്ടികള്‍ തിരൂര്‍ റെയില്‍വേ സ്റ്റേഷനില്‍ എത്തിയത്. നിലവില്‍ കോഴിക്കോട് കേന്ദ്രീകരിച്ചാണ് അന്വേഷണം പുരോഗമിക്കുന്നത്.
താനൂര്‍ ദേവദാര്‍ ഹയര്‍ സെക്കന്‍ഡറി സ്‌കൂളിലെ അശ്വതി, ഷഹദ എന്നിവരെയാണ് ഇന്നലെ കാണാതായത്. പരീക്ഷയെഴുതാന്‍ പോയ വിദ്യാര്‍ത്ഥിനികള്‍ സ്‌കൂളിലെത്തിയിരുന്നില്ല. ഉച്ചയ്ക്ക് ശേഷം ഇവരെ കാണാതായെന്നാണ് വിവരമെന്ന് പോലീസ് പറഞ്ഞു. സംഭവത്തില്‍ പോലീസ് അന്വേഷണം തുടരുന്നു.
Latest
അബ്കാരി കേസ്; വാറ്റുചാരായം എത്തിച്ചു നല്‍കിയിരുന്നയാളും അറസ്റ്റില്‍
എ ഡി എം. നവീന്‍ ബാബുവിനെതിരെ പരാതികള്‍ ലഭ്യമായിട്ടില്ല; വിജിലന്‍സ് ആസ്ഥാനത്തിന്റെ വിവരാവകാശ രേഖ പുറത്ത്
എസ് എസ് എഫ് പ്രവര്‍ത്തന ഫണ്ട് ശേഖരണം നാളെ
മാത്യു കുഴല്‍നാടന്‍ എം എല്‍ എയുടെ ഉടമസ്ഥതയിലുള്ള റിസോര്‍ട്ട്; പാര്‍ട്‌ണേഴ്‌സ് ആയ രണ്ടുപേരുടെ വീട്ടില്‍ വിജിലന്‍സ് പരിശോധന
ശഹബാസ് കൊല്ലപ്പെട്ട സംഭവം: താമരശ്ശേരിയില്‍ ജാഗ്രതാ സമിതി രൂപവത്കരിച്ചു
ദക്ഷിണ കൊറിയൻ യുദ്ധ വിമാനങ്ങൾ പരിശീലനത്തിനിടെ സ്വന്തം രാജ്യത്ത് ബോംബുകള്‍ വര്‍ഷിച്ച് അപകടം; 15 പേര്‍ക്ക് പരുക്ക്
