കിഡ്നിയും കരളും വിഷമുക്തമാക്കാം; ഈ വഴികൾ പരീക്ഷിച്ചു നോക്കൂ...

നമ്മുടെ ശരീരത്തിൽ നിന്ന് വിഷ വസ്തുക്കളെ ഫിൽട്ടർ ചെയ്യാനും നീക്കം ചെയ്യാനും വിശ്രമമില്ലാതെ പ്രവർത്തിക്കുന്ന അവശ്യ അവയവങ്ങളാണ് വൃക്കകളും കരളും. കാലക്രമേണ ഈ അവയവങ്ങളും ചിലപ്പോൾ തകരാറിലായേക്കാം. പ്രത്യേകിച്ച് ആധുനിക ജീവിതത്തിൽ നമ്മുടെ ഭക്ഷണ ശീലങ്ങളും പ്രഭാത ശീലങ്ങളും ഒക്കെ ഇതിനെ വലിയ രീതിയിൽ സ്വാധീനിക്കുന്നുണ്ട്. ലളിതമായ പ്രഭാത ശീലങ്ങൾ നിങ്ങളുടെ ജീവിതത്തോട് ചേർക്കുന്നത് കിഡ്നിയെയും കരളിനെയും വിഷമുക്തമാക്കാനും അവയുടെ ഒപ്റ്റിമൽ പ്രവർത്തനത്തെ പിന്തുണയ്ക്കാനും  നിങ്ങളുടെ ജീവിതത്തിലെ മൊത്തത്തിലുള്ള ക്ഷേമം വർദ്ധിപ്പിക്കാനും സഹായിക്കും. ഈ  ശീലങ്ങൾ ദിവസവും  പ്രഭാതത്തിൽ ചെയ്തു നോക്കൂ  നിങ്ങളുടെ കിഡ്നിയുടെയും കരളിന്റെയും പ്രവർത്തനങ്ങളിൽ വലിയ മാറ്റം ഉണ്ടായേക്കും.

• യോഗയിലൂടെ ദിവസം ആരംഭിക്കാം

യോഗ, പ്രത്യേകിച്ച് ശ്വസന വ്യായാമങ്ങൾ ചെയ്യുന്നത് നിങ്ങളുടെ കിഡ്നിയുടെയും കരളിന്‍റെയും പ്രവർത്തനത്തെ വലിയ രീതിയിൽ സ്വാധീനിക്കുമെന്നാണ് വിദഗ്ധർ പറയുന്നത്. യോഗയിലുള്ള പല പോസ്റ്റുകളും നിങ്ങളുടെ അവയവങ്ങളിലെ വിഷാംശം ഇല്ലാതാക്കുന്നതിനും വിഷ വസ്തുക്കളെ പുറം തള്ളുന്നതിനും സഹായിക്കുന്നു. ജേർണൽ ഓഫ് ആൾട്ടനേറ്റീവ് ആൻഡ് കോംപ്ലിമെന്ററി മെഡിസിനിൽ പ്രസിദ്ധീകരിച്ച ഒരു റിപ്പോർട്ട് അനുസരിച്ച് യോഗ പരിശീലിക്കുന്നത് സമ്മർദ്ദം കുറയ്ക്കുകയും രക്ത ചംക്രമണം വർദ്ധിപ്പിക്കുകയും ചെയ്യും. ഇത് നിങ്ങളുടെ വൃക്കയുടെയും കരളിന്റെയും പ്രവർത്തനം കൂടുതൽ ഊർജ്ജസ്വലമാക്കും.

• ഭക്ഷണം ശ്രദ്ധിക്കുക

നിങ്ങൾ പ്രഭാതത്തിൽ കഴിക്കുന്ന ഭക്ഷണങ്ങൾ നിങ്ങളുടെ ഡീറ്റോക്സ് ശ്രമങ്ങളെ പിന്തുണയ്ക്കുകയോ തടസ്സപ്പെടുത്തുകയോ ചെയ്യാം. ഒരു ഗ്ലാസ്‌ ചെറുനാരങ്ങ വെള്ളം ഉപയോഗിച്ച് ദിവസം ആരംഭിക്കുന്നത് ആ ദിവസം നല്ലതാക്കും എന്നാണ് പഠനങ്ങൾ പറയുന്നത്. നാരങ്ങയിൽ വിറ്റാമിൻ സിയും ആന്റിഓക്സിഡന്റുകളും അടങ്ങിയിട്ടുണ്ട്. ഇത് വിഷ വസ്തുക്കളെ പുറന്തള്ളാനും കരളിന്റെ പ്രവർത്തനത്തെ പിന്തുണയ്ക്കാനും സഹായിക്കും. വെളുത്തുള്ളി മഞ്ഞൾ ഇലക്കറികൾ തുടങ്ങിയ ഘടകങ്ങൾ പ്രഭാത ഭക്ഷണത്തിൽ ചേർക്കുന്നത് വിഷാംശം ഇല്ലാതാക്കാൻ സഹായിക്കുന്ന ആവശ്യ പോഷകങ്ങൾ നമ്മുടെ ശരീരത്തിന് ലഭിക്കുന്നതിന് കാരണമാകും. ഈ ഭക്ഷണങ്ങൾക്ക് കരളിന്റെ സ്വാഭാവിക ആരോഗ്യം നിലനിർത്താനും വിഷാംശം പുറം തള്ളാനും കഴിവുണ്ട്.

• രാവിലെ തന്നെ ഒരു കുളി ആകാം

രാവിലെ കുളിക്കുന്നത് നിങ്ങളുടെ ശരീരത്തെ മാത്രമല്ല ഉണർത്തുന്നത്. ഇത് നിങ്ങളുടെ ശരീരത്തിനുള്ളിലെ ടോക്സിനുകളെ ഇല്ലാതാക്കാനും സഹായിക്കും. കുളിക്കുമ്പോൾ മൃദുവായ സ്ക്രബ്ബ് ഉപയോഗിച്ച് ചർമ്മം മൃദുവായി ഉരസുന്നത് ലിംഫെറ്റിക്  ഡ്രൈനേജിനെ ഉത്തേജിപ്പിക്കും.

• ദിവസവും വ്യായാമം ചെയ്യുക

നിങ്ങളുടെ വൃക്കകളെയും കരളിനെയും അവയുടെ നല്ല രീതിയിൽ സൂക്ഷിക്കുന്നതിനുള്ള ഏറ്റവും നല്ല മാർഗങ്ങളിൽ ഒന്നാണ് പതിവ് വ്യായാമം. പതിവ് വ്യായാമം ചെയ്യുന്നതിലൂടെ നിങ്ങളുടെ ശരീരത്തിലെ രക്തചക്രമണം വർദ്ധിപ്പിക്കുന്നു. ഇത് വിഷ  വസ്തുക്കൾ  അവയുടെ ഉന്മൂലനത്തിലേക്ക്   ഉത്തരവാദികളായ അവയവങ്ങളിലേക്ക് കൊണ്ടുപോകാൻ സഹായിക്കുന്നു.

ഇക്കാര്യങ്ങൾ മാത്രം പോരാ മികച്ച കരളും വൃക്കകളും നേടാൻ. നമ്മുടെ ജീവിതചര്യയിലെ ഒരു വലിയ മാറ്റവും ആൽക്കഹോളിനോട് നോ പറയുക എന്നതുമൊക്കെ കരളിനെയും വൃക്കകളെയും സംരക്ഷിക്കുന്നതിൽ പ്രധാനമാണ്.