ശബരിമല തീര്‍ഥാടകര്‍ സഞ്ചരിച്ച കാര്‍ ടൂറിസ്റ്റ് ബസിലിടിച്ചു; രണ്ടുപേര്‍ മരിച്ചു

കൊല്ലം | ശബരിമല തീര്‍ഥാടകര്‍ സഞ്ചരിച്ച കാര്‍ ടൂറിസ്റ്റ് ബസിലിടിച്ച് രണ്ടുപേര്‍ മരിച്ചു. കാറിലുണ്ടായിരുന്ന തമിഴ്‌നാട് നാഗര്‍കോവില്‍ രാധാപുരം സ്വദേശികളായ ശരവണന്‍, ഷണ്മുഖന്‍ ആചാരി എന്നിവരാണ് മരിച്ചത്. രണ്ട് കുട്ടികള്‍ ഉള്‍പ്പെടെ മൂന്നുപേര്‍ക്ക് ഗുരുതരമായി പരുക്കേറ്റു.

കൊല്ലത്ത് ചടയമംഗലം നെട്ടേത്തറ ഭാഗത്ത് ഇന്നലെ രാത്രി 11.30ഓടെയാണ് അപകടമുണ്ടായത്. മഹാരാഷ്ട്ര രജിസ്‌ട്രേഷനിലുള്ള കാര്‍ പൂര്‍ണമായും തകര്‍ന്നു. അപകടം നടന്നയുടനെ നാട്ടുകാര്‍ ഓടിയെത്തി രക്ഷാപ്രവര്‍ത്തനം നടത്തി. പരുക്കേറ്റവരെ ആംബുലന്‍സുകളില്‍ തിരുവനന്തപുരം മെഡിക്കല്‍ കോളജ് ആശുപത്രിയിലെത്തിച്ചു. എന്നാല്‍, രണ്ടുപേരെ രക്ഷിക്കാനായില്ല.

ശബരിമല ദര്‍ശനം കഴിഞ്ഞ് മടങ്ങിയവരാണ് അപകടത്തില്‍പ്പെട്ടത്.