National
മുംബൈ-നാഗ്പുര്‍ എക്സ്പ്രസ് വേയില്‍ കാറുകള്‍ കൂട്ടിയിടിച്ച് അപകടം; ആറ് മരണം
നാഗ്പുരില്‍നിന്നു മുംബൈ ഭാഗത്തേക്ക് പോകുകയായിരുന്ന കാര്‍ തെറ്റായ ദിശയില്‍ വന്ന മറ്റൊരു കാറുമായി കൂട്ടിയിടിക്കുകയായിരുന്നു.
മുംബൈ| മുംബൈ-നാഗ്പുര്‍ എക്സ്പ്രസ് വേയില്‍ കാറുകള്‍ കൂട്ടിയിടിച്ച് അപകടം. അപകടത്തില്‍ ആറ് പേര്‍ മരിച്ചു. മുംബൈയിലെ ജല്‍ന ജില്ലയിലെ കട്വാഞ്ചിയില്‍ ഇന്നലെ രാത്രി പതിനൊന്നോടെയാണ് അപകടമുണ്ടായത്. പരുക്കേറ്റവരെ സമീപത്തെ വിവിധ ആശുപത്രികളില്‍ പ്രവേശിപ്പിച്ചു.
നാഗ്പുരില്‍നിന്നു മുംബൈ ഭാഗത്തേക്ക് പോകുകയായിരുന്ന കാര്‍ തെറ്റായ ദിശയില്‍ വന്ന മറ്റൊരു കാറുമായി കൂട്ടിയിടിക്കുകയായിരുന്നു. പെട്രോള്‍ പമ്പില്‍ നിന്ന് ഇന്ധനം നിറച്ച ശേഷം തെറ്റായ ദിശയില്‍ ദേശീയപാതയിലേക്കു കയറിയ കാറാണ് അപകടത്തിനു കാരണമായതെന്ന് പോലീസ് പറഞ്ഞു.
അപകടത്തിന് പിന്നാലെ മുംബൈ-നാഗ്പുര്‍ എക്സ്പ്രസ് വേയില്‍ ഗതാഗതം തടസ്സപ്പെട്ടു. കാറുകള്‍ ക്രെയിന്‍ ഉപയോഗിച്ച് മാറ്റി ഗതാഗതം പുനഃസ്ഥാപിച്ചുവെന്ന് ഹൈവേ പോലീസ് അറിയിച്ചു.
Latest
ഷട്ടില്‍ കളിച്ചുകൊണ്ടിരിക്കെ യുവാവ് കുഴഞ്ഞു വീണ് മരിച്ചു
കൊച്ചിയില്‍ സംഗീത പരിപാടിക്കിടെ മൊബൈല്‍ ഫോണുകള്‍ കവര്‍ന്ന കേസ്; 21 ഫോണുകളുമായി മൂന്ന് പേര്‍ ഡല്‍ഹിയില്‍ പിടിയില്‍
നവീന്‍ ബാബുവിന് വീഴ്ച പറ്റിയിട്ടില്ല; ജില്ലാ കലക്ടറുടെ അന്വേഷണ റിപ്പോര്‍ട്ട് പുറത്ത്
അസമില്‍ ട്രെയിന്‍ താളം തെറ്റി; ആളപായമില്ല
ഇന്ന് പോലീസ് ചോദ്യം ചെയ്യും; മുന്‍കൂര്‍ ജാമ്യത്തിനായി പിപി ദിവ്യ ഹൈക്കോടതിയിലേക്ക്
യു ജി സി നെറ്റ് പരീക്ഷാ ഫലം പ്രസിദ്ധീകരിച്ചു
