Kerala
കാറിന്റെ ചില്ല് തകര്‍ത്ത് ഏഴ് ലക്ഷത്തോളം രൂപ കവര്‍ന്നു
മോഷണം പോയത് വ്യാപാര സ്ഥാപന ഉടമ സ്ഥലത്തില്ലാത്തതിനെ തുടര്‍ന്ന് ജീവനക്കാരന്‍ വീട്ടിലേക്ക് കൊണ്ടുപോയ കലക്ഷന്‍ തുക
തൃശൂര്‍ | പേരാമംഗലത്ത് കാറിന്റെ ചില്ല് തകര്‍ത്ത് ഏഴ് ലക്ഷത്തോളം രൂപ കവര്‍ന്നു. തൃശൂരിലെ എ എസ് ട്രേഡേഴ്‌സ് സ്ഥാപനത്തിലെ ജീവനക്കാരന്‍ പേരാമംഗലം സ്വദേശി കടവി ജോര്‍ജിന്റെ വാഹനത്തില്‍ നിന്നാണ് പണം കവര്‍ന്നത്. ഇന്നലെ കടയടച്ചതിന് ശേഷം വീട്ടിലേക്ക് വരുന്നതിനിടെ രാത്രി ഒമ്പതരയോടെ പേരാമംഗലം പള്ളിയില്‍ പ്രാര്‍ഥിക്കാനായി പോയി തിരികെ വന്നപ്പോഴാണ് കാറിന്റെ ചില്ല് തകര്‍ത്ത് പണം മോഷ്ടിച്ച വിവരം ജോര്‍ജ് അറിഞ്ഞത്.
എ എസ് ട്രേഡേഴ്‌സ് സ്ഥാപന ഉടമ സ്ഥലത്ത് ഇല്ലാത്തതിനെ തുടര്‍ന്നാണ് ജീവനക്കാരന്‍ ജോര്‍ജ് അന്നത്തെ കലക്ഷന്‍ വീട്ടിലേക്ക് കൊണ്ടുവന്നത്. കാറിന്റെ ഇടതു വശത്തെ ചില്ല് തകര്‍ത്താണ് മോഷ്ടാവ് പണം കവര്‍ന്നത്. സംഭവത്തില്‍ പേരാമംഗലം പോലീസ് അന്വേഷണം തുടങ്ങി. മേഖലയിലെ സി സി ടി വി ക്യാമറകള്‍ ഉള്‍പ്പെടെ പരിശോധിക്കും.
Latest
വനം വന്യജീവി നിയമം പരിഷ്‌കരിക്കാന്‍ ആലോചനയില്ലെന്ന് കേന്ദ്രം
ബജറ്റ് ചർച്ചകൾക്കുള്ള മറുപടിയിൽ പുതിയ പ്രഖ്യാപനങ്ങൾ നടത്തി ധനമന്ത്രി കെ എൻ ബാലഗോപാൽ
ഓപ്പറേഷന്‍ സൗന്ദര്യ: പെര്‍ഫ്യൂമില്‍ ഗുരുതര പ്രശ്‌നമുണ്ടാക്കുന്ന മീഥൈല്‍ ആല്‍ക്കഹോള്‍
വന്യജീവി ആക്രമണം: വനം മന്ത്രി രാജിവെക്കണമെന്ന് താമരശ്ശേരി, കാഞ്ഞിരപ്പള്ളി ബിഷപ്പുമാര്‍
നമ്മുടെ ശരീരത്തില്‍ പൊട്ടാസ്യത്തിന്‍റെ റോള്‍ എന്താണ് !
വന്യജീവി ആക്രമണം: നാളെ വയനാട്ടില്‍ യു ഡി എഫ് ഹര്‍ത്താല്‍
