175 കിലോ കഞ്ചാവ് കാറില്‍ ഒളിപ്പിച്ച കേസ്; മുഖ്യ പ്രതി ഒഡീഷയില്‍ കഴിഞ്ഞത് ടാക്‌സി ഡ്രൈവറെന്ന വ്യാജേന

കൊച്ചി | പള്ളുരുത്തിയില്‍ 175 കിലോ കഞ്ചാവ് കാറില്‍ ഒളിപ്പിച്ച കേസില്‍ നിര്‍ണായക വിവരങ്ങള്‍ പുറത്ത്. മുഖ്യ പ്രതി അഖില്‍ സന്തോഷ് ഒഡീഷയില്‍ കഴിഞ്ഞത് ടാക്‌സി ഡ്രൈവര്‍ എന്ന വ്യാജേനയാണെന്ന് കണ്ടെത്തി.

പത്തിലി മേഖലയിലെ ലഹരി മാഫിയയാണ് കഞ്ചാവ് തോട്ടത്തിനു സമീപം ഒളിസങ്കേതം ഒരുക്കിയത്. പള്ളുരുത്തിയില്‍ പിടികൂടിയ കഞ്ചാവ് കായംകുളം മാഫിയക്ക് കൈമാറിയതാണെന്നും അന്വേഷണത്തില്‍ കണ്ടെത്തി. ലോറിയില്‍ എത്തിച്ച കഞ്ചാവ് അമ്പലമേടിലെ ലോഡ്ജില്‍ വച്ച് വിതരണം ചെയ്തു.

കൊല്ലത്തെ ഗുണ്ടാ ബോക്‌സര്‍ ദിലീപിന്റെ അറസ്റ്റാണ് കഞ്ചാവ് വേട്ടയില്‍ നിര്‍ണായകമായത്.