Kerala
കോഴിക്കോട് മെഡിക്കല്‍ കോളജിലെ സെക്യൂരിറ്റി ജീവനക്കാരെ മര്‍ദ്ദിച്ച കേസ്; പ്രതികളായ ഡിവൈഎഫ്‌ഐ പ്രവര്‍ത്തകരെ വെറുതെവിട്ടു
പരാതിക്കാരായ സെക്യൂരിറ്റി ജീവനക്കാര്‍ മൊഴിമാറ്റിയതും കേസില്‍ തിരിച്ചടിയായി.
കോഴിക്കോട് | കോഴിക്കോട് മെഡിക്കല്‍ കോളജ് ആശുപത്രിയില്‍ സെക്യൂരിറ്റി ജീവനക്കാരെ മര്‍ദിച്ച കേസില്‍ ഡിവൈഎഫ്‌ഐ പ്രവര്‍ത്തകരായ പ്രതികളെ കോടതി വെറുതെ വിട്ടു. തെളിവുകളുടെ അഭാവത്തിലാണ് കോഴിക്കോട് പ്രിന്‍സിപ്പല്‍ അസിസ്റ്റന്റ് സെഷന്‍സ് കോടതിയുടെ നടപടി. പരാതിക്കാരായ സെക്യൂരിറ്റി ജീവനക്കാര്‍ മൊഴിമാറ്റിയതും കേസില്‍ തിരിച്ചടിയായി.
2022ലാണ് കേസിനാസ്പദമായ സംഭവം ഡിവൈഎഫ്‌ഐ സംസ്ഥാന കമ്മിറ്റിയംഗം കെ അരുണ്‍ ഉള്‍പ്പെടെ ഏഴ് പേരായിരുന്നു കേസിലെ പ്രതികള്‍. സന്ദര്‍ശനെത്തിനെത്തിയ ആളുകളെ തടഞ്ഞതിനെ തുടര്‍ന്നാണ് സുരക്ഷ ജീവനക്കാരായ മൂന്ന് പേരെ ഡിവൈഎഫ്‌ഐ പ്രവര്‍ത്തകര്‍ മര്‍ദിച്ചത്.
ഡി വൈ എഫ് ഐ സംസ്ഥാന കമ്മിറ്റി അംഗവും ജില്ലാ ജോയിന്റ് സെക്രട്ടറിയുമായിരുന്ന കെ അരുണ്‍, മേഖലാ സെക്രട്ടറി എം കെ അഷിന്‍, മേഖലാ പ്രസിഡന്റ് മുഹമ്മദ് ഷബീര്‍, സി പി എം ലോക്കല്‍ കമ്മിറ്റി അംഗം കെ രാജേഷ്, സജിന്‍, നിഖില്‍ സോമന്‍, ജിതിന്‍ലാല്‍ എന്നിവരെയാണ് കേസില്‍ വെറുതെ വിട്ടത്. സുരക്ഷാ ജീവനക്കാരായ കെ എസ് ശ്രീലേഷ്, എന്‍ ദിനേശന്‍, രവീന്ദ്ര പണിക്കര്‍ എന്നിവര്‍ക്കായിരുന്നു മര്‍ദ്ദനമേറ്റിരുന്നത്
Latest
'എക്സി'നെ സ്വന്തം എഐ കമ്പനിക്ക് വിറ്റ് ഇലോൺ മസ്‌ക്
കാട്ടൂരില്‍ എം ഡി എം എയുമായി മൂന്ന് യുവാക്കള്‍ അറസ്റ്റില്‍
ഗുജറാത്ത് വംശഹത്യ ഓർമിപ്പിച്ച് 'എംപുരാന്‍' സിനിമ; ബി ജെ പി രണ്ട് തട്ടിൽ; പൃഥ്വിരാജിനെതിരെ ആർ എസ് എസ് മുഖപത്രം
ദേഹാസ്വാസ്ഥ്യത്തെ തുടര്‍ന്ന് ഹെഡ്മാസ്റ്ററെ ആശുപത്രിയില്‍ കൊണ്ടുപോകവെ ജീപ്പ് മറിഞ്ഞു; മൂന്നുപേര്‍ക്ക് പരുക്ക്
മദ്യലഹരിയില്‍ മാതാവിനെ തല്ലിച്ചതച്ച് മകന്‍; മര്‍ദിച്ചത് സഹോദരനെ കൊന്ന കേസിലെ പ്രതി
വേട്ടയാടിയ മാന്‍ ഇറച്ചിയുമായി മുന്‍ പാമ്പ് പിടിത്തക്കാരന്‍ വനം വകുപ്പിന്റെ പിടിയില്‍
