രാഹുലിന്റെ ഓഫീസില്‍ ഗാന്ധി ചിത്രം തകര്‍ത്തതില്‍ കേസെടുത്തു: മുഖ്യമന്ത്രി

തിരുവനന്തപുരം | രാഹുല്‍ ഗാന്ധിയുടെ ഓഫീസില്‍ മഹാത്മാ ഗാന്ധിയുടെ ചിത്രം തകര്‍ത്ത സംഭവത്തില്‍ കേസെടുത്തതായി മുഖ്യമന്ത്രി പിണറായി വിജയന്‍. പോലീസ് ഫോട്ടോ ഗ്രാഫറുടെ മൊഴിയുടെ അടിസ്ഥാനത്തിലാണ് കേസെടുത്തതെന്നും മുഖ്യമന്ത്രി നിയമസഭയില്‍ പറഞ്ഞു. പി ജോയിയുടെ സബ്മിഷന് മറുപടി നല്‍കുകയായിരുന്നു മുഖ്യമന്ത്രി.

4.04ന് എടുത്ത ചിത്രത്തില്‍ ഗാന്ധി ചിത്രം ചുമരില്‍ തന്നെയുണ്ട്. രാഹുലിന്റെ ഓഫീസില്‍ അതിക്രമിച്ച് കടന്നവരെയെല്ലാം 3.45ന് തന്നെ പുറത്താക്കിയിരുന്നു. ഇതിന് ശേഷമാണ് ചിത്രം തകര്‍പ്പെട്ടത്. മാതൃഭൂമി ന്യൂസ് ഇത് സംബന്ധിച്ച് പുറത്തുവിട്ട ആദ്യ വീഡിയോയിലും ഗാന്ധി ചിത്രം തകര്‍ക്കപ്പെടാതെ കിടിക്കുന്നത് വ്യക്തമാണെന്നും മുഖ്യമന്ത്രി വ്യക്തമാക്കി.