National
കുറ്റപത്രങ്ങള്‍ പൊതുരേഖ അല്ല, വെബ്‌സൈറ്റില്‍ പ്രസിദ്ധീകരിക്കാന്‍ അന്വേഷണ ഏജന്‍സികള്‍ക്ക് നിര്‍ദേശം നല്‍കാനാകില്ല: സുപ്രീംകോടതി
കുറ്റപത്രത്തിലെ മുഴുവന്‍ വിശദാംശങ്ങളും വെബ്‌സൈറ്റില്‍ വരുന്നത് പ്രതിയുടെയും ഇരയുടെയും അവകാശത്തെ ഹനിക്കുന്ന നടപടിയാണ്
ന്യൂഡല്‍ഹി| കുറ്റപത്രങ്ങള്‍ പൊതുരേഖ അല്ലെന്നും വെബ്‌സൈറ്റില്‍ പ്രസിദ്ധീകരിക്കാന്‍ അന്വേഷണ ഏജന്‍സികള്‍ക്ക് നിര്‍ദേശം നല്‍കാനാകില്ലെന്നും സുപ്രീംകോടതി. കുറ്റപത്രങ്ങള്‍ അന്വേഷണ ഏജന്‍സികള്‍ വെബ്‌സൈറ്റില്‍ പ്രസിദ്ധീകരിക്കണമെന്ന് നിര്‍ദേശം നല്‍കണമെന്ന് ആവശ്യപ്പെട്ട് നല്‍കിയ ഹര്‍ജിയിലാണ് സുപ്രീംകോടതിയുടെ സുപ്രധാന വിധി. തെളിവ് നിയമം സെക്ഷന്‍ 72 പ്രകാരം കുറ്റപത്രം പൊതുരേഖയുടെ പരിധിയില്‍ വരുന്നതല്ല. ബലാത്സംഗ കേസുകള്‍ ഒഴികെയുള്ള മറ്റു കേസുകള്‍ രജിസ്റ്റര്‍ ചെയ്ത ശേഷം എഫ്.ഐ.ആര്‍ അടക്കമുള്ള രേഖകള്‍ അന്വേഷണ ഏജന്‍സികള്‍ വെബ്‌സൈറ്റില്‍ പ്രസിദ്ധീകരിക്കാറുണ്ടെന്നും കോടതി വ്യക്തമാക്കി.
കുറ്റപത്രത്തിലെ മുഴുവന്‍ വിശദാംശങ്ങളും വെബ്‌സൈറ്റില്‍ വരുന്നത് പ്രതിയുടെയും ഇരയുടെയും അവകാശത്തെ ഹനിക്കുന്ന നടപടിയാണെന്നും ജസ്റ്റിസുമാരായ എം.ആര്‍ ഷാ, സി.ടി രവികുമാര്‍ അടങ്ങിയ ഡിവിഷന്‍ ബെഞ്ച് നിരീക്ഷിച്ചു. വിവരാവകാശ പ്രവര്‍ത്തകനും ജേര്‍ണലിസ്റ്റുമായ സൗരവ് ദാസാണ് ഇക്കാര്യമാവശ്യപ്പെട്ട് സുപ്രീംകോടതിയെ സമീപിച്ചത്.
Latest
പുതുവത്സരാഘോഷത്തിന് ഒരുങ്ങി ദുബൈ
മുജാഹിദുകള്ക്കിടയില് വീണ്ടും ജിന്ന് വിവാദം; സ്വന്തം ഗ്രൂപ്പിനെ തള്ളി ഹുസൈന് മടവൂര്
ഹജ്ജ് കമ്മിറ്റി മുഖേന പോകുന്നവര് മറ്റ് സാങ്കേതിക ക്ലാസ്സുകളില് പങ്കെടുക്കേണ്ടതില്ല
അഹമ്മദാബാദില് അംബേദ്കറുടെ പ്രതിമ അടിച്ചുതകര്ത്തു
ബഹിരാകാശത്ത് വിത്ത് മുളപ്പിക്കാന് ഐ എസ് ആര്‍ ഒ വിക്ഷേപണം ഈ മാസം 30ന്
സര്ക്കാര് നിര്‍ദേശം തള്ളാന് പി എസ് സിക്ക് അധികാരമില്ല
