isl 2022
ബ്ലാസ്‌റ്റേഴ്‌സിന്റെ തുടര്‍ജയത്തിന് ചെന്നൈയുടെ സമനിലപ്പൂട്ട്
സഹല്‍ അബ്ദുസ്സമദ്, വിന്‍സി ബരെറ്റോ എന്നിവരാണ് സ്‌കോറര്‍മാര്‍.
ചെന്നൈ | തുടര്‍ച്ചയായ ആറാം വിജയത്തിലേക്ക് ബൂട്ട് കെട്ടിയ കേരള ബ്ലാസ്റ്റേഴ്‌സിന് ചെന്നൈയിന്‍ എഫ് സിയുടെ സമനിലപ്പൂട്ട്. ഇരുടീമുകളും ഒന്ന് വീതം ഗോളടിച്ചു. സഹല്‍ അബ്ദുസ്സമദ്, വിന്‍സി ബരെറ്റോ എന്നിവരാണ് സ്‌കോറര്‍മാര്‍.
23ാം മിനുട്ടിലാണ് ബ്ലാസ്റ്റേഴ്സ് ഗോളടിച്ചത്. ഇവാന്‍ കല്യൂഷ്‌നിയുടെ അസിസ്റ്റില്‍ സഹല്‍ അബ്ദുസ്സമദ് ഗോള്‍ നേടുകയായിരുന്നു. മൈതാന മധ്യേ നിന്ന് നീട്ടുനല്‍കിയ ബോള്‍ ഗോളി ദെബ്ജിത് മജുംദറിന്റെ മുകളിലൂടെ സഹല്‍ വലയിലേക്ക് ചിപ് ചെയ്തിട്ടു. രണ്ടാം പകുതി ആരംഭിച്ച് അധികം വൈകാതെ ചെന്നൈ ഗോള്‍ മടക്കി.
48ാം മിനുട്ടില്‍ വിന്‍സി ബരെറ്റോയാണ് ചെന്നൈയുടെ സമനില ഗോള്‍ നേടിയത്. ചെന്നൈയുടെ റഹീം അലിയുടെ ഷോട്ട് ബ്ലാസ്റ്റേഴ്സ് ഗോളി പ്രഭ്‌സുഖന്‍ ഗില്‍ തടഞ്ഞിട്ടെങ്കിലും വിന്‍സിക്ക് ബോള്‍ ലഭിച്ചു. അങ്ങനെയാണ് ഗോള്‍ പിറന്നത്. ഇരുടീമുകള്‍ക്കും അവസരങ്ങള്‍ ലഭിച്ചെങ്കിലും ഗോളാക്കാനായില്ല. ഇതോടെ കേരള ബ്ലാസ്റ്റേഴ്സ് പോയിന്റ് പട്ടികയില്‍ ബ്ലാസ്റ്റേഴ്സ് നാലാമതെത്തി. ചെന്നൈയിന്‍ ഏഴാം സ്ഥാനത്താണ്.
Latest
പാലക്കാട് സ്‌കൂട്ടറില്‍ ലോറിയിടിച്ച് യുവതി മരിച്ചു
മൊറോക്കൻ സ്വദേശി അഹ്മദ് സൈനൂൻ അറബ് ഹോപ് മേക്കർ വിജയി
നന്‍മയുടെ വിമര്‍ശങ്ങളെ സ്വാഗതം ചെയ്യും; തരൂരിന്റെ പ്രസ്താവനയില്‍ പ്രതികരിച്ച് കെസി വേണുഗോപാല്‍
തെലങ്കാനയില്‍ തുരങ്കത്തില്‍ കുടുങ്ങിയ തൊഴിലാളികളെ പുറത്തെത്തിക്കാന്‍ നാവികസേന എത്തും
വയനാട്ടിലെ ദുരന്തബാധിതരോടുള്ള കേന്ദ്ര അവഗണന; പാര്‍ലമെന്റിന് മുന്നിലെ രാപ്പകല്‍ സമരത്തിന് ഇന്ന് തുടക്കം
സ്‌കൂളില്‍ പോകാതെ വീട്ടിലിരുന്ന് പരീക്ഷക്ക് തയാറെടുക്കാം; വിദ്യാര്‍ത്ഥികളോട് യൂട്യൂബ് ചാനലിലൂടെ ആഹ്വാനം ചെയ്തവര്‍ക്കെതിരെ അധ്യാപക സംഘടന
