മൂന്നാമതും തോറ്റ് ചെന്നൈ; ഇത്തവണ പഞ്ചാബിനോട്

മുംബൈ | രണ്ട് തോല്‍വികളുടെ ക്ഷീണം മാറ്റാനിറങ്ങിയ ചെന്നൈ സൂപ്പര്‍ കിംഗ്‌സിന് വീണ്ടും പരാജയം. ഇത്തവണ പഞ്ചാബ് കിംഗ്‌സാണ് ചെന്നൈയെ തകര്‍ത്തത്. 54 റണ്‍സിനാണ് പഞ്ചാബിന്റെ വിജയം. ബാറ്റ് കൊണ്ടും പന്തുകൊണ്ടും തിളങ്ങിയ ലിയാം ലിവിംഗ്സ്റ്റനാണ് (60 റണ്‍സ്, രണ്ട് വിക്കറ്റ്) പഞ്ചാബിന്റെ വിജയശില്‍പ്പി. സ്‌കോര്‍: പഞ്ചാബ് 20 ഓവറില്‍ എട്ടിന് 180. ചെന്നൈ 18 ഓവറില്‍ 126ന് എല്ലാവരും പുറത്ത്. ശിവം ദുബെ (30 പന്തില്‍ 57) മാത്രമാണ് ചെന്നൈ നിരയില്‍ തിളങ്ങിയത്. എം എസ് ധോണി 28 പന്തില്‍ 23 റണ്‍സെടുത്തു. നായകന്‍ രവീന്ദ്ര ജഡേജ, മോയിന്‍ അലി, ഡ്വെയ്ന്‍ ബ്രാവോ എന്നിവര്‍ പൂജ്യത്തിന് പുറത്തായി.

32 പന്തില്‍ അഞ്ച് സിക്‌സും അഞ്ച് ഫോറും സഹിതം 60 റണ്‍സ് നേടിയ ലിയാം ലിവിംഗ്സ്റ്റണിന്റെ ബാറ്റിംഗാണ് പഞ്ചാബിന് മികച്ച ടോട്ടല്‍ സമ്മാനിച്ചത്. ശിഖര്‍ ധവാന്‍ (24 പന്തില്‍ 33), ജിതേഷ് ശര്‍മ (17 പന്തില്‍ 26) എന്നിവരും തിളങ്ങി. നായകന്‍ മയാങ്ക് അഗര്‍വാള്‍ (നാല്്), ഭാനുക രജപക്‌സെ (ഒമ്പത്), ഷാറൂഖ് ഖാന്‍ (ആറ്), ഒഡിയന്‍ സ്മിത്ത് (മൂന്ന്) എന്നിവര്‍ക്ക് ശോഭിക്കാനായില്ല.