Kerala
മതാടിസ്ഥാനത്തില്‍ പൗരത്വം നല്‍കുന്നതിനെ അംഗീകരിക്കാനാകില്ലെന്ന് മുഖ്യമന്ത്രി പിണറായി വിജയന്‍
ഇന്ത്യയെ ഒരു മതാധിഷ്ടിത രാഷ്ട്രമാക്കണമെന്നാണ് ആര്‍എസ്എസ് നിലപാട്.
കാസര്‍കോഡ് | മതാടിസ്ഥാനത്തില്‍ പൗരത്വം നല്‍കുന്നതിനെ അംഗീകരിക്കാനാകില്ലെന്ന് മുഖ്യമന്ത്രി പിണറായി വിജയന്‍. ഇന്ത്യയെ മതാധിഷ്ടിത രാഷ്ട്രമാക്കുകയാണ് ആര്‍എസ്എസ് നിലപാട്. തങ്ങളുടെ ഇഷ്ടാനുസരണം എന്തും ചെയ്യുക എന്ന നിലപാടിലാണ് കേന്ദ്രഭരണാധികാരികള്‍. മതാടിസ്ഥാനത്തില്‍ പൗരത്വം നല്‍കുന്നത് അതിന്റെ ഉദാഹരണമാണ്. അതിനെ ഒരിക്കലും അംഗീകരിക്കാന്‍ കഴിയില്ലെന്നും മുഖ്യമന്ത്രി വ്യക്തമാക്കി. കാസര്‍കോഡ് നടന്ന സിഎഎ വിരുദ്ധ റാലിയുടെ പൊതുസമ്മേളനത്തില്‍ സംസാരിക്കുകയായിരുന്നു അദ്ദേഹം.
മതത്തിന്റെ പേരില്‍ ആളുകളെ തമ്മിലടിപ്പിക്കാനാണ് ബിജെപി ശ്രമിക്കുന്നത്. കേരളത്തില്‍ മാത്രമല്ല ഇതിനെതിരെ പ്രതിഷേധം നടന്നത്. മതാടിസ്ഥാനത്തിലുള്ള പൗരത്വം പരിഷ്‌കൃത സമൂഹത്തിന് അംഗീകരിക്കാന്‍ കഴിയില്ല. അതുകൊണ്ടുതന്നെ പൗരത്വ ഭേദഗതി നിയമം ലോകം അംഗീകരിക്കില്ലെന്നും അദ്ദേഹം ചൂണ്ടിക്കാട്ടി.
ഹിറ്റ്‌ലറുടെ ആശയം അനുസരിച്ചാണ് ആര്‍എസ്എസ് പ്രവര്‍ത്തിക്കുന്നതെന്നും മുഖ്യമന്ത്രി പറഞ്ഞു. ഹിറ്റ്‌ലറുടെ രീതിയെ ലോകമാകെ അപലപിച്ചതാണ്. എന്നാല്‍ ഹിറ്റ്‌ലറിനെ അംഗീകരിക്കുകയും വാഴ്ത്തുകയും ചെയ്ത കൂട്ടരാണ് ആര്‍എസ്എസെന്നും മുഖ്യമന്ത്രി വ്യക്തമാക്കി.
Latest
ഇടതു കോട്ട കാത്ത് യു ആര്‍ പ്രദീപ്
മഹാരാഷ്ട്രയില്‍ തുടര്‍ഭരണം ഉറപ്പിച്ച് ബിജെപി മുന്നണി മഹായുതി; ഝാര്‍ഖണ്ഡില്‍ ഇന്ത്യ മുന്നണിക്ക് നേട്ടം
രാഹുലിന് റെക്കോര്‍ഡ് ഭൂരിപക്ഷം; ബി ജെ പി കോട്ടകള്‍ തകര്‍ന്നു
ബംഗാള്‍ ഉപതെരഞ്ഞെടുപ്പ്: ആറ് സീറ്റുകളിലും തൃണമൂല്‍ കോണ്‍ഗ്രസിന് ലീഡ്
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
