Kerala
പള്ളിത്തര്‍ക്കം; സംസ്ഥാന സര്‍ക്കാരിനെതിരെ കോടതിയലക്ഷ്യനടപടി
ചീഫ് സെക്രട്ടറി, എറണാകുളം പാലക്കാട് ജില്ലാ കലക്ടര്‍മാര്‍ ഉള്‍പ്പെടെയുളള എതിര്‍കക്ഷികള്‍ അടുത്ത മാസം എട്ടിന് ഹാജരാകണമെന്ന് ഹൈക്കോടതി നിര്‍ദേശിച്ചു
കൊച്ചി | യാക്കോബായ, ഓര്‍ത്തഡോക്‌സ് പള്ളിത്തര്‍ക്കത്തില്‍ കോടതി ഉത്തരവ് നടപ്പാക്കാന്‍ തയ്യാറാകാത്ത സംസ്ഥാന സര്‍ക്കാരിനെതിരെ കോടതിയലക്ഷ്യനടപടികള്‍ ആരംഭിച്ചു. ചീഫ് സെക്രട്ടറി, എറണാകുളം പാലക്കാട് ജില്ലാ കലക്ടര്‍മാര്‍ ഉള്‍പ്പെടെയുളള എതിര്‍കക്ഷികള്‍ അടുത്ത മാസം എട്ടിന് ഹാജരാകണമെന്ന് ഹൈക്കോടതി നിര്‍ദേശിച്ചു.
സുപ്രീംകോടതി ഉത്തരവിന്റെ അടിസ്ഥാനത്തില്‍ യാക്കോബായ സഭയുടെ കൈവശമുള്ള ആറ് പള്ളികള്‍ ഏറ്റെടുക്കാന്‍ ഹൈക്കോടതി സിംഗിള്‍ ബെഞ്ച് നിര്‍ദേശിച്ചിരുന്നു. പലവട്ടം ആവശ്യപ്പെട്ടിട്ടും ക്രമസമാധാന പ്രശ്‌നം പറഞ്ഞ് നടപടിയില്‍ നിന്ന് സര്‍ക്കാര്‍ പിന്മാറിയ സാഹചര്യത്തിലാണ് ഹൈക്കോടതിയുടെ കോടതിയലക്ഷ്യ നടപടി.
എതിര്‍ കക്ഷികള്‍ക്കെതിരെ കുറ്റം ചുമത്തുന്ന നടപടി എട്ടിന് ഉണ്ടാകുമെന്ന് ജസ്റ്റീസ് വി ജി അരുണ്‍ അറിയിച്ചു.യാക്കോബായ ഓര്‍ത്തഡോക്‌സ് പള്ളിത്തര്‍ക്കത്തില്‍ സുപ്രീംകോടതി ഉത്തരവ് നടപ്പാക്കാത്ത സംസ്ഥാന സര്‍ക്കാരിനെതിരെ ഹൈക്കോടതി കടുത്ത വിമര്‍ശനമാണ് ഉന്നയിക്കുന്നത്. ഓര്‍ത്തഡോക്‌സ്- യാക്കോബായ കേസില്‍ മലങ്കര സഭയ്ക്ക് കീഴിലുള്ള എല്ലാ പള്ളികളും 1934 ലെ ഭരണഘടന പ്രകാരം ഭരിക്കപ്പെടണമെന്ന് 2017 ലാണ് സുപ്രീംകോടതി വിധിച്ചത്. 1934ലെ സഭ ഭരണഘടനയുടെ അടിസ്ഥാനത്തില്‍ നിലനില്‍ക്കുന്ന സുപ്രീംകോടതി വിധി നിലവില്‍ ഓര്‍ത്തഡോക്‌സ് വിഭാഗത്തിന് അനുകൂലമാണ്.
Latest
അഭയാര്‍ഥി കുട്ടികള്‍ക്കായുള്ള യു എന്‍ എച്ച് സി ആര്‍ വക്താവായി ശൈഖ ജവഹര്‍ തുടരും
അറബ് റീഡിംഗ് ചലഞ്ച്; യുവാക്കളില്‍ അഭിമാനം പ്രകടിപ്പിച്ച് ശൈഖ് മുഹമ്മദ്
ദുബൈ സൈഹ് അല്‍ സലാം സീനിക് റൂട്ടിന്റെ നവീകരണ പദ്ധതിക്ക് അംഗീകാരം
അയല്‍ക്കാരന്‍ പട്ടിണി കിടക്കുമ്പോള്‍, അഭയാര്‍ഥികളാകുമ്പോള്‍
പതിനേഴുകാരിയെ ലൈംഗികമായി പീഡിപ്പിച്ച കേസ്; യുവാവ് അറസ്റ്റില്‍
ഓട്ടോറിക്ഷാ ഡ്രൈവറുടെ ഫോണും പണവും കവര്‍ന്ന കേസ്; പ്രതികള്‍ അറസ്റ്റില്‍
