ലുധിയാന കോടതിക്കു സമീപം സംഘര്‍ഷം; ഏറ്റുമുട്ടലില്‍ രണ്ടു പേര്‍ക്ക് വെടിയേറ്റു

ലുധിയാന| പഞ്ചാബിലെ ലുധിയാന കോടതി സമുച്ചയത്തിന് സമീപം രണ്ട് സംഘങ്ങള്‍ തമ്മിലുണ്ടായ ഏറ്റുമുട്ടലില്‍ രണ്ടു പേര്‍ക്ക് വെടിയേറ്റു. ഹിമാന്‍ഷു, ജസ്പ്രീത് എന്നിവര്‍ക്കാണ് വെടിയേറ്റത്. മുന്‍ വൈരാഗ്യമാണ് സംഘര്‍ഷത്തിന് കാരണമെന്ന് സംശയിക്കുന്നതായി പൊലീസ് പറഞ്ഞു.

ഇരുവരെയും കോടതിയിലേക്ക് കൊണ്ടുപോകുന്നതിനിടെയാണ് സംഘര്‍ഷം ഉണ്ടാകുന്നത്. ഏറ്റുമുട്ടലിനിടെ ഹിമാന്‍ഷുവിനും ജസ്പ്രീതിനും വെടിയേല്‍ക്കുകയായിരുന്നു. ഇരുവരെയും ആശുപത്രിയില്‍ പ്രവേശിപ്പിച്ചതായി അഡീഷണല്‍ പൊലീസ് കമ്മീഷണര്‍ രാജേഷ് ശര്‍മ്മ പറഞ്ഞു.

സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തു. കൂടുതല്‍ അന്വേഷണത്തിനായി ഉദ്യോഗസ്ഥര്‍ സ്ഥലത്തെത്തിയിട്ടുണ്ടെന്ന് പൊലീസ് വ്യക്തമാക്കി.