cm valiyullahi
സി എം വലിയുല്ലാഹി ആണ്ട് നേര്‍ച്ചക്ക് ചൊവ്വാഴ്ച തുടക്കമാകും
സമസ്ത വൈസ് പ്രസിഡൻ്റ് സയ്യിദ് അലി ബാഫഖി തങ്ങള്‍ ഉദ്ഘാടനം ചെയ്യും.
കോഴിക്കോട്| സി എം വലിയുല്ലാഹിയുടെ 33ാം ആണ്ട് നേര്‍ച്ച, ആത്മീയ സമ്മേളനത്തിന് മടവൂര്‍ സി എം സെന്ററില്‍ ചൊവ്വാഴ്ച തുടക്കമാകും. മെയ് രണ്ട്, മൂന്ന്, നാല് തീയതികളില്‍ നടക്കുന്ന ആണ്ട് നേര്‍ച്ചക്ക് ആരംഭം കുറിച്ച് ചൊവ്വാഴ്ച വൈകുന്നേരം മൂന്നിന് വൈലത്തൂര്‍ സയ്യിദ് ജലാലുദ്ദീന്‍ ബുഖാരിയുടെ നേതൃത്വത്തില്‍ മഖാം സിയാറത്ത് നടക്കുമെന്ന് ഭാരവാഹികള്‍ വാർത്താ സമ്മേളനത്തില്‍ അറിയിച്ചു. സയ്യിദ് മുല്ലക്കോയ തങ്ങള്‍ കാരക്കാട് പതാക ഉയര്‍ത്തും. സമസ്ത കേന്ദ്ര മുശാവറാംഗം ചെറുശ്ശോല അബ്ദുല്‍ ജലീല്‍ സഖാഫിയുടെ നേതൃത്വത്തില്‍ പണ്ഡിത ദര്‍സ് നടക്കും.
വൈകിട്ട് അഞ്ചിന് സയ്യിദ് മുഹമ്മദ് തുറാബ് തങ്ങളുടെ അധ്യക്ഷതയില്‍ സമസ്ത വൈസ് പ്രസിഡൻ്റ് സയ്യിദ് അലി ബാഫഖി തങ്ങള്‍ ഉദ്ഘാടനം ചെയ്യും. രാത്രി ഏഴിന് മതപ്രഭാഷണ ചടങ്ങ് അബ്ദുല്‍ ഖാദിര്‍ ബാഖവി ഐക്കരപ്പടിയുടെ അധ്യക്ഷതയില്‍ സയ്യിദ് സകരിയ്യല്‍ ബുഖാരി വൈലത്തൂര്‍ ഉദ്ഘാടനം ചെയ്യും. അറിവിന്‍ നിലാവ് സഫ്‌വാന്‍ സഖാഫി പത്തപ്പിരിയം പ്രഭാഷണം നടത്തും. സയ്യിദ് മുഹമ്മദ് ഹുസൈന്‍ ഹൈദ്രൂസി, മുഹമ്മദലി ബാഖവി കല്‍ത്തറ, ടി എ മുഹമ്മദ് അഹ്സനി, അബ്ദുർറഹ്മാന്‍ ഹാജി പാവണ്ടൂര്‍ സംബന്ധിക്കും.
ബുധൻ വൈകിട്ട് ഏഴിന് മദനീയം അബ്ദുല്ലത്തീഫ് സഖാഫി കാന്തപുരം പ്രഭാഷണം നടത്തും. പത്തനാപുരം ഇബ്രാഹീം അഹ്സനിയുടെ അധ്യക്ഷതയില്‍ സയ്യിദ് അബ്ദുല്‍ ഫത്താഹ് അവേലം ഉദ്ഘാടനം ചെയ്യും. സമസ്ത സെക്രട്ടറി പൊന്മള അബ്ദുല്‍ ഖാദിര്‍ മുസ്ലിയാര്‍ മുഖ്യാതിഥിയായിരിക്കും. ജി അബൂബക്കര്‍, ഇബ്രാഹീം സഖാഫി പാലങ്ങാട്, അന്‍വര്‍ സഖാഫി കരുവന്‍പൊയില്‍ സംബന്ധിക്കും.
വ്യാഴം ഉച്ചക്ക് മൂന്നിന് മുഹിബ്ബ് സംഗമം കുറ്റിക്കാട്ടൂര്‍ അബ്ദുല്ലത്വീഫ് മുസ്ലിയാരുടെ അധ്യക്ഷതയില്‍ കല്‍ത്തറ അബ്ദുല്‍ ഖാദിര്‍ മദനി ഉദ്ഘാടനം ചെയ്യും. ഔലിയാക്കളുടെ ലോകം എന്ന വിഷയത്തില്‍ ബശീര്‍ ഫൈസി വെണ്ണക്കോട് പ്രഭാഷണം നടത്തും. മുഹമ്മദലി ശിഹാബ് തങ്ങള്‍ തളീക്കര, സയ്യിദ് അലി അക്ബര്‍ പാടന്തറ, ഹുസൈന്‍ മുസ്ലിയാര്‍ കൊടുവള്ളി, ഇസ്മാഈല്‍ സഖാഫി പെരുമണ്ണ, അബൂബക്കര്‍ സഖാഫി പന്നൂര്‍, സി എം അബൂബക്കര്‍ സഖാഫി സംബന്ധിക്കും.
വൈകിട്ട് ഏഴിന് സമാപന ദിക്റ് ദുആ ആത്മീയ സമ്മേളനത്തില്‍ കെ എസ് ആറ്റക്കോയ തങ്ങള്‍ കുമ്പോല്‍ പ്രാര്‍ഥനക്ക് നേതൃത്വം നല്‍കും. കെ കെ അഹമ്മദ് കുട്ടി മുസ്ലിയാരുടെ അധ്യക്ഷതയില്‍ സമസ്ത പ്രസിഡൻ്റ് ഇ സുലൈമാന്‍ മുസ്ലിയാര്‍ ഉദ്ഘാടനം നിര്‍വഹിക്കും. ഇന്ത്യന്‍ ഗ്രാൻഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ അനുഗ്രഹ പ്രഭാഷണം നടത്തും. സയ്യിദ് ഇബ്‌റാഹീം ഖലീലുല്‍ ബുഖാരി മുഖ്യപ്രഭാഷണവും സി എം സെന്റര്‍ ജന. സെക്രട്ടറി ടി കെ അബ്ദുർറഹ്മാന്‍ ബാഖവി സന്ദേശ പ്രഭാഷണവും നടത്തും. കേരള ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി, സമസ്ത സെക്രട്ടറി പേരോട് അബ്ദുർറഹ്മാന്‍ സഖാഫി, എസ് വൈ എസ് സംസ്ഥാന ജന. സെക്രട്ടറി ഡോ. എ പി അബ്ദുല്‍ ഹക്കീം അസ്ഹരി, പള്ളങ്കോട് അബ്ദുല്‍ ഖാദിര്‍ മദനി, യു കെ അബ്ദുല്‍ മജീദ് മുസ്ലിയാര്‍, സി എം ഇബ്രാഹീം പ്രസംഗിക്കും. ഹസന്‍ മുസ്ലിയാര്‍ വയനാട്, വി പി എം ഫൈസി വില്യാപ്പള്ളി, മുഹമ്മദലി സഖാഫി വള്ളിയാട്, ഹമീജാന്‍ ലത്വീഫി ചാവക്കാട് സംബന്ധിക്കും. സമാപന ദിക്റ് ദുആ ആത്മീയ സമ്മേളനത്തിന് സയ്യിദ് ബായാര്‍ തങ്ങള്‍ നേതൃത്വം നല്‍കും.
വാർത്താ സമ്മേളനത്തില്‍ കെ കെ അഹ്മദ് കുട്ടി മുസ്ലിയാര്‍ കട്ടിപ്പാറ, ടി കെ അബ്ദുർറഹ്മാന്‍ ബാഖവി, കെ വി തങ്ങള്‍, എ കെ കട്ടിപ്പാറ, പി കെ എം അബ്ദുർറഹ്മാന്‍ സഖാഫി സംബന്ധിച്ചു.
Latest
വീട്ടിൽ കയറി യുവതിയെ ഉപദ്രവിച്ച് പാസ്‌പോര്‍ട്ട് മോഷ്ടിടിച്ചയാള്‍ അറസ്റ്റില്‍
'കുരുന്നെഴുത്തുകള്‍': കുട്ടികളുടെ ഡയറിക്കുറിപ്പുകള്‍ പുസ്തകമാക്കി മന്ത്രി ശിവന്‍ കുട്ടി
ഭിന്നശേഷി പ്രതിഭകളെ തേടി ഹെല്ലന്‍ അവര്‍ഡ് ജേതാവ് ഉമര്‍ ഫാറൂഖിൻ്റെ അഖിലേന്ത്യാ യാത്ര
ദ്വിദിന സന്ദർശനം: ഇന്ത്യൻ പ്രധാനമന്ത്രി ഏപ്രിൽ 22ന് സഊദിയിലെത്തും
തലശ്ശേരിയില്‍ വീട്ടമ്മയെ ദുരൂഹസാഹചര്യത്തില്‍ മരിച്ചനിലയില്‍ കണ്ടെത്തി
സിറാജ് സ്‌പെഷ്യൽ ക്യാമ്പയിൻ: മലപ്പുറത്ത് എസ് എസ് എഫ് ഡിവിഷൻ നേതൃസംഗമങ്ങൾ പൂർത്തിയായി
