National
കല്‍ക്കരി അഴിമതിക്കേസ്; ബംഗാളില്‍ സിബിഐ റെയ്ഡ്
വിരമിച്ച സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്‌സ് ഉദ്യോഗസ്ഥരുടെ വസതിയിലും സ്ഥാപനങ്ങളിലുമാണ് പരിശോധന.
കൊല്‍ക്കത്ത| കല്‍ക്കരി അഴിമതിക്കേസുമായി ബന്ധപ്പെട്ട് പശ്ചിമ ബംഗാളില്‍ സിബിഐയുടെ വ്യാപക പരിശോധന. വിരമിച്ച സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്‌സ് ഉദ്യോഗസ്ഥരുടെ വസതിയിലും സ്ഥാപനങ്ങളിലുമാണ് പരിശോധന. കൊല്‍ക്കത്ത ഉള്‍പ്പെടെ 13 സ്ഥലങ്ങളില്‍ കേന്ദ്ര അന്വേഷണ സംഘം പരിശോധന നടത്തുന്നുണ്ടെന്നാണ് വിവരം.
രണ്ട് മുന്‍ സിഐഎസ്എഫ് ഉദ്യോഗസ്ഥരുടെ വീടുകളിലും സ്ഥാപനങ്ങളിലും പരിശോധന പുരോഗമിക്കുകയാണ്. കല്‍ക്കരി കള്ളക്കടത്ത് കേസിലെ മുഖ്യപ്രതി അനൂപ് മാജി എന്ന ലാലയുമായി ഇവര്‍ക്ക് അടുത്ത ബന്ധമുണ്ടെന്ന് കണ്ടെത്തിയിട്ടുണ്ട്. തെക്കന്‍ കൊല്‍ക്കത്തയിലെ ഭവാനിപൂര്‍, വെസ്റ്റ് ബര്‍ദ്വാന്‍ ജില്ലയിലെ ദുര്‍ഗാപൂര്‍, കുല്‍തി, മാള്‍ഡ തുടങ്ങിയ സ്ഥലങ്ങളിലാണ് ഒരേസമയം പരിശോധന നടക്കുന്നത്.
കല്‍ക്കരി കള്ളക്കടത്ത് അഴിമതിയുമായി ബന്ധപ്പെട്ട് ഇസിഎല്‍ മുന്‍ ഡയറക്ടറെയും സെന്‍ട്രല്‍ സിഐഎസ്എഫിലെ മുന്‍ ഇന്‍സ്‌പെക്ടര്‍ ആനന്ദ് കുമാര്‍ സിംഗിനെയും ഈ വര്‍ഷം ആദ്യം സിബിഐ അറസ്റ്റ് ചെയ്തിരുന്നു. അഴിമതിയുടെ വിഹിതം ഇവര്‍ക്ക് ലഭിച്ചിട്ടുണ്ടെന്നും ലാലയുമായി അടുത്ത ബന്ധമുണ്ടെന്നും സി.ബി.ഐ അറിയിച്ചു.
Latest
എം ഡി എം എയുമായി രണ്ട് യുവാക്കള്‍ പിടിയില്‍
വൈദ്യുതാഘാതമേറ്റ് യുവാവ് മരിച്ചു
എസ് ഐ ഓടിച്ച കാറിടിച്ച് ഇന്‍ഫോ പാര്‍ക്ക് ജീവനക്കാരന് പരുക്കേറ്റു
വിലക്ക് ലംഘിച്ച് വാര്‍ത്താ സമ്മേളനം; പി വി അന്‍വറിനെതിരെ കേസെടുക്കാന്‍ നിര്‍ദേശം
അബുബാദി സെക്യൂരിറ്റീസ് എക്‌സ്‌ചേഞ്ചില്‍ ലുലുവിന്റെ ലിസ്റ്റിങ്ങ് വ്യാഴാഴ്ച; ഓഹരി അലോക്കേഷന്‍ പൂര്‍ത്തിയായി
'കട്ടന്‍ ചായയും പരിപ്പുവടയും ഒരു കമ്യൂണിസ്റ്റ് ജീവിതം'; കേരള രാഷ്ട്രീയത്തില്‍ പ്രകമ്പനമുണ്ടാക്കാന്‍ ഇ പി ജയരാജന്റെ ആത്മകഥയെത്തുന്നു
