National
സുപ്രീം കോടതി ചീഫ് ജസ്റ്റിനെതിരായ വിദ്വേഷ പരാമര്‍ശം: ബി ജെ പി. എം പിക്കെതിരെ പരാതി
ആരോപണങ്ങള്‍ രാജ്യത്തെ ജുഡീഷ്യറിയുടെ സ്വതന്ത്രമായ പ്രവര്‍ത്തനത്തിന് തടസ്സം സൃഷ്ടിക്കുമെന്ന്
ന്യൂഡല്‍ഹി | കേന്ദ്ര സര്‍ക്കാര്‍ പാസ്സാക്കിയ വഖ്ഫ് ഭേദഗതി നിയമത്തിനെതിരായ ഹരജിയില്‍ ഇടക്കാല ഉത്തരവ് പുറപ്പെടുവിച്ചതിന് സുപ്രീം കോടതി ചീഫ് ജസ്റ്റിസ് സഞ്ജീവ് ഖന്നക്കെതിരെ വിദ്വേഷ പരാമര്‍ശം നടത്തിയ ബി ജെ പി. എം പി നിഷികാന്ത് ദുബെക്കെതിരെ പരാതി. രാജ്യത്തെ മത ആഭ്യന്തരയുദ്ധങ്ങള്‍ക്ക് കാരണം സുപ്രീം കോടതി ചീഫ് ജസ്റ്റിസാണെന്ന ദുബെയുടെ പ്രസ്താവനയില്‍ ക്രിമിനല്‍ കോടതിയലക്ഷ്യ നടപടി സ്വീകരിക്കണമെന്ന് ആവശ്യപ്പെട്ട് സുപ്രീം കോടതിയില്‍ പ്രാക്ടീസ് ചെയ്യുന്ന അഭിഭാഷകനാണ് പരാതി നല്‍കിയിത്. അറ്റോണി ജനറല്‍ ആര്‍ വെങ്കിട്ടരമണിക്ക് പരാതി കൈമാറി.
വഖ്ഫ് ഭേദഗതി നിയമവുമായി ബന്ധപ്പെട്ട ഹരജികള്‍ പരിഗണിച്ചതിന് ചീഫ് ജസ്റ്റിസ് സഞ്ജീവ് ഖന്നക്കെതിരെ വര്‍ഗീയപരമായ പരാമര്‍ശങ്ങള്‍ നിഷികാന്ത് ദുബെ നടത്തിയെന്ന് കോടതിയലക്ഷ്യ നിയമത്തിലെ 15(1) (ബി) വകുപ്പ് പ്രകാരം നല്‍കിയ പരാതിയിൽ പറയുന്നു. ഇത്തരം ആരോപണങ്ങള്‍ രാജ്യത്തെ ജുഡീഷ്യറിയുടെ സ്വതന്ത്രമായ പ്രവര്‍ത്തനത്തിന് തടസ്സം സൃഷ്ടിക്കുമെന്ന് പരാതിക്കാരന്‍ ചൂണ്ടിക്കാട്ടി. പരാതി പരിശോധിച്ച് അറ്റോണി ജനറല്‍ കോടതിക്ക് കൈമാറും.
Latest
പരിഷ്‌കരിച്ച പാഠപുസ്തകളുടെ വിതരണോദ്ഘാടനം 23ന്; പ്രവേശനോത്സവം ആലപ്പുഴയില്‍
ഷൈന്‍ ടോം ചാക്കോയെ വീണ്ടും ചോദ്യം ചെയ്യുന്നത് വൈകും; ആന്റി ഡോട്ടുകള്‍ ഉപയോഗിച്ചോയെന്ന് സംശയം
പ്രധാനമന്ത്രി നരേന്ദ്ര മോദിയുടെ സഊദി സന്ദര്‍ശനം; ഇന്ത്യ-സഊദി ബന്ധത്തില്‍ പുതിയൊരു അധ്യായം കുറിക്കും
ഹാജിമാരെ സ്വീകരിക്കാന്‍ ഒരുക്കങ്ങള്‍ പൂര്‍ത്തിയായി; സംസ്ഥാന ഹജ്ജ് ക്യാമ്പ് ചൊവ്വാഴ്ച സ്വലാത്ത് നഗറില്‍
സഊദി അറേബ്യ ഗ്രാന്‍ഡ് പ്രിക്‌സ് യോഗ്യതാ റൗണ്ട്; വെര്‍സ്റ്റാപ്പന്‍ പോള്‍ ഒന്നാം സ്ഥാനം നേടി
കൂട്ടുകാര്‍ക്കൊപ്പം കുളിക്കാനിറങ്ങിയ യുവാവ് കബനി പുഴയില്‍ മുങ്ങി മരിച്ചു
