Kerala
കോഴിക്കോട് മെഡിക്കല്‍ കോളജില്‍ യുവതി ചികിത്സ ലഭിക്കാതെ മരിച്ചെന്ന പരാതി; മനുഷ്യാവകാശ കമ്മിഷന്‍ കേസെടുത്തു
മെഡിക്കല്‍ കോളജ് ആശുപത്രി സൂപ്രണ്ടില്‍ നിന്നും കമ്മിഷന്‍ അന്വേഷണ റിപ്പോര്‍ട്ട് ആവശ്യപ്പെട്ടു. 15 ദിവസത്തിനകം റിപ്പോര്‍ട്ട് സമര്‍പ്പിക്കണം
കോഴിക്കോട് | കോഴിക്കോട് മെഡിക്കല്‍ കോളജ് അത്യാഹിതവിഭാഗത്തില്‍ ചികിത്സ തേടിയ യുവതി കൃത്യമായ ചികിത്സ ലഭിക്കാതെ മരിച്ചെന്ന പരാതിയില്‍ മനുഷ്യാവകാശ കമ്മീഷന്‍ കേസെടുത്ത് അന്വേഷണത്തിന് ഉത്തരവിട്ടു. പേരാമ്പ്ര കൂത്താളി സ്വദേശിനി രജനി മരിച്ച സംഭവത്തിലാണ് കമ്മീഷന്‍ ജുഡീഷ്യല്‍ അംഗം കെ ബൈജുനാഥ് കേസെടുത്തത്. മെഡിക്കല്‍ കോളജ് ആശുപത്രി സൂപ്രണ്ടില്‍ നിന്നും കമ്മിഷന്‍ അന്വേഷണ റിപ്പോര്‍ട്ട് ആവശ്യപ്പെട്ടു. 15 ദിവസത്തിനകം റിപ്പോര്‍ട്ട് സമര്‍പ്പിക്കണം.
നവംബര്‍ 4 നാണ് രജനിയെ ആശുപത്രിയില്‍ പ്രവേശിപ്പിച്ചത്. നവംബര്‍ 19 ന് യുവതി മരിച്ചു. ഗില്ലൈന്‍ബാരി സിന്‍ഡ്രോം എന്ന ഗുരുതര രോഗമാണ് രജനിക്കുണ്ടായിരുന്നതെന്നും എന്നാല്‍ മനോരോഗ ചികിത്സയാണ് രജനിക്ക് നല്‍കിയതെന്നും ഭര്‍ത്താവ് ഗിരീഷിന്റെ പരാതിയില്‍ പറയുന്നു. നാലുദിവസങ്ങള്‍ക്ക് ശേഷം രോഗം കണ്ടുപിടിച്ചപ്പോള്‍ ന്യുമോണിയ ബാധിക്കുകയും വൃക്കകളുടെ പ്രവര്‍ത്തനം നിലയ്ക്കുകയും ചെയ്തു. മൂന്ന് കുട്ടികളുടെ മാതാവാണ് രജനി
Latest
വയനാട് മുണ്ടക്കൈ പുനരധിവാസം: മുഖ്യമന്ത്രി വിളിച്ച യോഗത്തെ പ്രതീക്ഷയോടെ നോക്കികാണുന്നു; പികെ കുഞ്ഞാലിക്കുട്ടി
സംസ്ഥാന സ്‌കൂള്‍ കലോത്സവം എം ടിയോട് ആദരം: പ്രധാന വേദിക്ക് പുതിയ പേര് 'എം ടി നിള'
പട്ടിക്കാട് സമ്മേളനം: യുവ നേതാക്കള്‍ക്ക് ഇത്തവണയും വിലക്ക്, സന്ദീപ് വാര്യരും സുന്നി വിരുദ്ധരും പ്രഭാഷകര്‍
ചെന്നൈ- ഗുരുവായൂര്‍ എക്സ്പ്രസ്സിനും മലബാറിനും വേഗം കൂടും
എം ജി സര്‍വകലാശാല പരീക്ഷാ മൂല്യനിര്‍ണയം പൂര്‍ണമായും ഓണ്‍ലൈനാക്കും
കുടുംബശ്രീ ബ്ലോക്ക് കോര്‍ഡിനേറ്റര്‍മാരുടെ വേതനം വര്‍ധിപ്പിച്ചു; കൂട്ടിയത് 5,000 രൂപ
