തദ്ദേശ തെരഞ്ഞെടുപ്പ് ലക്ഷ്യമിട്ട് കോണ്‍ഗ്രസ് മഹാത്മാഗാന്ധി കുടുംബ സംഗമത്തിന് ഇന്നു തുടക്കമാവും

തിരുവനന്തപുരം | തദ്ദേശ തെരഞ്ഞെടുപ്പ് ലക്ഷ്യമിട്ട് കോണ്‍ഗ്രസ് സംഘടിപ്പിക്കുന്ന വാര്‍ഡ് തല കുടുംബ സംഗമങ്ങള്‍ ഇന്നു തുടങ്ങും.മഹാത്മാഗാന്ധി കുടുംബ സംഗമം എന്ന പേരിലാണ് വാര്‍ഡ് തല സംഗമങ്ങള്‍ നടക്കുന്നത്. തദ്ദേശ ഭരണ തിരഞ്ഞെടുപ്പിനായുള്ള ജില്ലാ തല വാര്‍റൂമുകളുടെ പ്രവര്‍ത്തനത്തിനും ഇന്നു തുടക്കമാവും.

തിരുവനന്തപുരം പെരിന്താന്നിയില്‍ നടക്കുന്ന ഉദ്ഘാടന കുടുംബ സംഗമത്തില്‍ എ ഐ സി സി ജനറല്‍ സെക്രട്ടറി കെ സി വേണുഗോപാല്‍, കെ പി സി സി അധ്യക്ഷന്‍ കെ സുധാകരന്‍ തുടങ്ങിയവര്‍ പങ്കെടുക്കും. തിരുവനന്തപുരം ജില്ലയിലെ വാര്‍ഡ് പ്രസിഡന്റുമാരുടെ സംഗമവും ഇന്ന് നടക്കും.

ജില്ലയിലെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് പ്രവര്‍ത്തനങ്ങള്‍ ഏകോപിപ്പിക്കുന്നതിനായുള്ള വാര്‍റൂമും ഇന്ന് മുതല്‍ പ്രവര്‍ത്തനം ആരംഭിക്കും. തിരുവനന്തപുരം ഡി സി സി ഓഫീസ് കേന്ദ്രീകരിച്ചാണ് വാര്‍റൂം പ്രവര്‍ത്തിക്കുക.