International
കൊവിഡ് നിയന്ത്രണം; സ്വന്തം വിവാഹം റദ്ദാക്കി ന്യൂസിലാന്‍ഡ് പ്രധാനമന്ത്രി
ഞായറാഴ്ച അര്‍ധരാത്രി മുതലാണ് ന്യൂസിലാന്‍ഡില്‍ കൊവിഡ് നിയന്ത്രണങ്ങള്‍ വീണ്ടും ഏര്‍പ്പെടുത്തുന്നത്.
വെല്ലിംഗ്ടണ്‍ | ഒമിക്രോണ്‍ വകഭേദം കുത്തനെ ഉയരുന്നത് തടയാന്‍ നിയന്ത്രണം കര്‍ശനമാക്കിയ ന്യൂസിലാന്‍ഡില്‍ മികച്ച മാതൃകയുമായി പ്രധാനമന്ത്രി ജസീന്ത ആര്‍ഡേണ്‍. സ്വന്തം വിവാഹം റദ്ദാക്കിയാണ് അവര്‍ മാതൃക കാണിച്ചത്. പരിപാടികള്‍ക്ക് പൂര്‍ണമായും വാക്‌സിനെടുത്ത 100 പേര്‍ക്ക് മാത്രം അനുമതി അടക്കമുള്ള കൊവിഡ് നിയന്ത്രണങ്ങള്‍ പ്രഖ്യാപിക്കുന്ന വേളയിലാണ് വിവാഹം റദ്ദാക്കിയ വിവരം അവര്‍ അറിയിച്ചത്.
മഹാമാരി കാരണം വിവാഹം റദ്ദാക്കുക പോലുള്ള സുപ്രധാന നിമിഷങ്ങളിലൂടെ പല ന്യൂസിലാന്‍ഡുകാരും കടന്നുപോയിട്ടുണ്ടാകും. അവരിലൊരാളാവുകയാണ് താന്‍. നിയന്ത്രണങ്ങള്‍ കാരണം പല പരിപാടികളും മുടങ്ങുന്നതില്‍ താന്‍ ക്ഷമ ചോദിക്കുന്നതായും അവര്‍ പറഞ്ഞു.
ഞായറാഴ്ച അര്‍ധരാത്രി മുതലാണ് ന്യൂസിലാന്‍ഡില്‍ കൊവിഡ് നിയന്ത്രണങ്ങള്‍ വീണ്ടും ഏര്‍പ്പെടുത്തുന്നത്. വിവാഹത്തില്‍ പങ്കെടുക്കാന്‍ മറ്റൊരു നഗരത്തിലേക്ക് യാത്ര ചെയ്ത കുടുംബത്തില്‍ ഒമ്പതും മറ്റൊരു വിമാന ജീവനക്കാരനും ഒമിക്രോണ്‍ സ്ഥിരീകരിച്ചിരുന്നു. ഇതുകാരണമാണ് നിയന്ത്രണം ഏര്‍പ്പെടുത്തുന്നത്.
Latest
വയനാട് പുനരധിവാസം: ഭൂമി ഏറ്റെടുക്കാമെന്ന് ഹൈക്കോടതി;എസ്‌റ്റേറ്റ് ഉടമകളുടെ ഹരജി തള്ളി
സന വിമാനത്താവളത്തിലെ ഇസ്‌റാഈല്‍ ആക്രമണത്തിനിടെ ലോകാരോഗ്യ സംഘടനാ മേധാവി രക്ഷപ്പെട്ടത് അത്ഭുതകരമായി
അസര്‍ബെയ്ജാന്‍ വിമാനം തകര്‍ന്നത് റഷ്യന്‍ ആക്രമണത്തിലെന്ന് റിപ്പോര്‍ട്ട്
അങ്കമാലിയില്‍ ലോറിയും ട്രാവലറും കൂട്ടിയിടിച്ച് ഒരു മരണം; ഒരാള്‍ക്ക് ഗുരുതര പരുക്ക്
തിരൂര്‍ മംഗലത്ത് എസ്ഡിപിഐ പ്രവര്‍ത്തകന് വെട്ടേറ്റു
അച്ചടക്ക ലംഘനത്തിന് ചാര്‍ജ് മെമ്മോ; ചീഫ് സെക്രട്ടറിയോട് വിശദീകരണം ചോദിച്ച് എന്‍ പ്രശാന്ത് ഐഎഎസ്
