കൊവിഡ് നിയന്ത്രണങ്ങള്‍ നീങ്ങി; ഹറമുകള്‍ സാധാരണ നിലയിലേക്ക്

മക്ക | സഊദിയില്‍ രണ്ട് വര്‍ഷമായി കൊവിഡ് ആരോഗ്യ സുരക്ഷയുടെ ഭാഗമായി ഏര്‍പ്പെടുത്തിയിരുന്ന കൊവിഡ് നിയന്ത്രണങ്ങളില്‍ ഇളവ് വരുത്തിയതോടെ ഇരു ഹറമുകളും സാധാരണ നിലയിലേക്ക്. ശനിയാഴ്ച അര്‍ധരാത്രി മുതല്‍ സാമൂഹിക അകലം പാലിക്കല്‍ ഒഴിവാക്കിയതോടെ സുബ്ഹി നിസ്‌കാരം നിര്‍വഹിക്കുന്നതിനായി കൂടുതല്‍ പേര്‍ക്ക് കഅ്ബാലയത്തിലെത്താന്‍ അവസരം ലഭിച്ചു.

നിസ്‌കാരത്തിന് മുന്നോടിയായി ഹറമില്‍ സാമൂഹിക അകലങ്ങള്‍ പാലിക്കുന്നതിനായി പതിച്ചിരുന്ന സ്റ്റിക്കറുകള്‍ നീക്കം ചെയ്യുകയും മസ്ജിദുല്‍ ഹറമില്‍ 25,000-ലധികം സംസം വാട്ടര്‍ കണ്ടെയ്നറുകള്‍ വിതരണം ചെയ്യുകയും കൂടുതല്‍ പരവതാനികള്‍ വിരിക്കുകയും ചെയ്തു. ശുചീകരണ പ്രവൃത്തികള്‍ക്കായി ഹറമില്‍ 4,000-ത്തിലധികം സ്ത്രീ-പുരുഷ തൊഴിലാളികളാണ് സേവന രംഗത്തുള്ളത്.