Kerala
ആശ എം എല്‍ എയെ പി ആര്‍ ഡി പരസ്യത്തില്‍ നിന്ന് ഒഴിവാക്കിയതില്‍ സി പി ഐക്ക് പരാതിയില്ല: കാനം
'കോട്ടയം ജില്ലാ കമ്മിറ്റിക്ക് അങ്ങനെ ഒരു പരാതിയുള്ളതായി അറിയില്ല. പ്രോട്ടോകോള്‍ അറിയാത്തവരാണ് ആരോപണവുമായി രംഗത്തെത്തിയത്.'
കോട്ടയം | വൈക്കം സത്യഗ്രഹ ശതാബ്ദി ആഘോഷവുമായി ബന്ധപ്പെട്ട പി ആര്‍ ഡി പരസ്യത്തില്‍ നിന്ന് സി കെ ആശ എം എല്‍ എയെ ഒഴിവാക്കിയെന്ന ആരോപണത്തില്‍ പ്രതികരിച്ച് സി പി ഐ സംസ്ഥാന സെക്രട്ടറി കാനം രാജേന്ദ്രന്‍. ഇതില്‍ വിവാദത്തിന്റെ കാര്യമൊന്നുമില്ലെന്ന നിലയിലായിരുന്നു കാനത്തിന്റെ വിശദീകരണം. കോട്ടയം ജില്ലാ കമ്മിറ്റിക്ക് അങ്ങനെ ഒരു പരാതിയുള്ളതായി അറിയില്ല. പ്രോട്ടോകോള്‍ അറിയാത്തവരാണ് ആരോപണവുമായി രംഗത്തെത്തിയതെന്നും കാനം പറഞ്ഞു.
സി പി ഐ കോട്ടയം ജില്ലാ സെക്രട്ടറി വി ബി ബിനുവാണ് പി ആര്‍ ഡി പരസ്യത്തില്‍ സി കെ ആശയുടെ ചിത്രം ഒഴിവാക്കിയതിനെതിരെ പരസ്യമായി പ്രതികരിച്ചത്. പരസ്യത്തില്‍ ആശയുടെ പേര് ഒഴിവാക്കിയതില്‍ പാര്‍ട്ടിക്ക് പരാതിയുണ്ടെന്നും ഇത് സര്‍ക്കാരിനെ അറിയിച്ചിട്ടുണ്ടെന്നുമാണ് ബിനു പറഞ്ഞത്.
വൈക്കം സത്യഗ്രഹ ശതാബ്ദി ആഘോഷവുമായി ബന്ധപ്പെട്ട് പരാതികളൊന്നും ഉയര്‍ന്നിട്ടില്ലെന്നും പരസ്യത്തിന്റെ കാര്യത്തില്‍ പി ആര്‍ ഡിക്ക് വീഴ്ച സംഭവിച്ചിട്ടുണ്ടെങ്കില്‍ പരിശോധിക്കുമെന്നും പരിപാടിയുടെ സംഘാടകരിലൊരാളായ മന്ത്രി വി എന്‍ വാസവന്‍ നേരത്തെ പറഞ്ഞിരുന്നു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്
അല്ലു അര്‍ജുന്റെ വീടിന് നേരെ ആക്രമണം; എട്ട് പേര് അറസ്റ്റില്‍
