സി പി എം കോട്ടയം ജില്ലാ സെക്രട്ടറിയായി ടി ആര്‍ രഘുനാഥനെ തരഞ്ഞെടുത്തു

കോട്ടയം | സി പി എം കോട്ടയം ജില്ലാ സെക്രട്ടറിയായി ടി ആര്‍ രഘുനാഥനെ തരഞ്ഞെടുത്തു. മുന്‍ ജില്ലാ സെക്രട്ടറി എ വി റസലിന്റെ നിര്യാണത്തെ തുടര്‍ന്നാണ് പുതിയ സെക്രട്ടറിയെ തെരഞ്ഞെടുത്തത്. സംസ്ഥാന സെക്രട്ടറിയേറ്റില്‍ എടുത്ത തീരുമാനം എം വി ഗോവിന്ദന്‍ ജില്ലാ സെക്രട്ടേറിയറ്റിലും ജില്ലാ കമ്മിറ്റിയിലും അറിയിച്ചു.

ടി ആര്‍ രഘുനാഥന്‍ ഡി വൈ എഫ് ഐ യൂണിറ്റ് സെക്രട്ടറി, പുതുപ്പള്ളി ബ്ലോക്ക് പ്രസിഡന്റ്, അയര്‍ക്കുന്നം ബ്ലോക്ക് സെക്രട്ടറി, ജില്ലാ പ്രസിഡന്റ്, സംസ്ഥാന കമ്മിറ്റി അംഗം എന്നീ ചുമതലകളില്‍ പ്രവര്‍ത്തിച്ചിട്ടുണ്ട്. നിലവില്‍ സി പി എം ജില്ലാ സെക്രട്ടറിയേറ്റ് അംഗമാണ്. സി ഐ ടി യു കോട്ടയം ജില്ല സെക്രട്ടറി, സംസ്ഥാന വൈസ് പ്രസിഡന്റ്, ദേശീയ വര്‍ക്കിംഗ് കമ്മറ്റി അംഗം എന്നീ നിലകളിലും പ്രവര്‍ത്തിച്ചുവരുന്നു.