സിപിഎം ഏരിയാ കമ്മറ്റി അംഗത്തിന് മര്‍ദനം; പോലീസുകാരനെ സസ്‌പെന്‍ഡ് ചെയ്തു

പത്തനംതിട്ട |  പരാതിക്കാരനൊപ്പമെത്തിയ സിപിഎം ഏരിയാ കമ്മിറ്റിയംഗത്തെ മര്‍ദ്ദിച്ചെന്ന പരാതിയില്‍ പോലീസുകാരനെതിര നടപടി. കോന്നി പോലീസ് സ്റ്റേഷനിലെ ഡ്രൈവര്‍ രഘുകുമാറിനെ അന്വേഷണ വിധേയമായി സര്‍വീസില്‍ നിന്ന് സസ്‌പെന്റ് ചെയ്തു

ഇന്നലെ രാത്രിയിലാണ് സംഭവം നടന്നത്. സിപിഎം ഏരിയാ കമ്മിറ്റിയംഗം ടി രാജേഷ് കുമാറിനാണ് മര്‍ദ്ദനമേറ്റത്. ഒരു പരാതിക്കാരനൊപ്പം കോന്നി പോലീസ് സ്റ്റേഷനിലെത്തിയതായിരുന്നു രാജേഷ്. പരാതിക്കാരന്‍ പോലീസ് ജീപ്പിന് മുകളില്‍ വെച്ച് പരാതി എഴുതിയതാണ് രഘുകുമാറിനെ പ്രകോപിപ്പിച്ചതെന്നാണ് വിവരം. പിന്നാലെ രാജേഷ് കുമാര്‍ കോന്നി താലൂക്ക് ആശുപത്രിയില്‍ ചികിത്സ തേടുകയും രഘുകുമാറിനെതിരെ പരാതി നല്‍കുകയുമായിരുന്നു. വൈദ്യപരിശോധനയില്‍ രഘുകുമാര്‍ മദ്യപിച്ചതായി കണ്ടെത്തിയിരുന്നു