ചക്രവാതച്ചുഴി; കേരളത്തില്‍ വ്യാപക മഴക്ക് സാധ്യത

തിരുവനന്തപുരം സംസ്ഥാനത്ത് വ്യാപക മഴക്ക് സാധ്യതയെന്ന് മുന്നറിയിപ്പ്. മധ്യ പ്രദേശിന് മുകളിലായി രൂപപ്പെട്ട പുതിയ ചക്രവാതച്ചുഴി സംസ്ഥാനത്ത് വ്യാപക മഴ എത്തിക്കുമെന്ന് മുന്നറിയിപ്പ്.

ചക്രവാതച്ചുഴിയുടെ സാന്നിധ്യത്തില്‍ സെപ്തംബര്‍ ഒമ്പത് മുതല്‍ 11 വരെ ഒറ്റപ്പെട്ട സ്ഥലങ്ങളില്‍ ശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ആലപ്പുഴ, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം എന്നീ ആറ് ജില്ലകളില്‍ ഞായറാഴ്ച യെല്ലോ അലര്‍ട്ട് പ്രഖ്യാപിച്ചിട്ടുണ്ട്. തിങ്കളാഴ്ച ഇടുക്കി, മലപ്പുറം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.