National
കേന്ദ്ര സര്ക്കാര് ജീവനക്കാരുടെ ഡി എ വര്ധിപ്പിച്ചു
.പണപ്പെരുപ്പം കണക്കിലെടുത്താണ് ക്ഷാമബത്ത കൂട്ടാനുള്ള തീരുമാനം.
ന്യൂഡല്ഹി | കേന്ദ്ര സര്ക്കാര് ജീവനക്കാരുടേയും പെന്ഷന്കാരുടേയും ക്ഷാമബത്ത (ഡി എ) വര്ധിപ്പിച്ചു. നാല് ശതമാനത്തിന്റെ വര്ധനയാണുണ്ടാവുക. ഇന്ന് ചേര്ന്ന കേന്ദ്ര മന്ത്രിസഭാ യോഗത്തിന്റേതാണ് തീരുമാനം. ഇതോടെ കേന്ദ്ര സര്ക്കാര് ജീവനക്കാരുടെ ക്ഷാമബത്ത 38 ശതമാനം ആകും.പണപ്പെരുപ്പം കണക്കിലെടുത്താണ് ക്ഷാമബത്ത കൂട്ടാനുള്ള തീരുമാനം.
ജീവനക്കാര്ക്കും പെന്ഷന്കാര്ക്കും ഇത് ബാധകമാണ്. 50 ലക്ഷത്തോളം ജീവനക്കാര്ക്കും 65 ലക്ഷത്തോളം പെന്ഷന്ക്കാര്ക്കും പുതിയ തീരുമാനത്തിന്റെ ഗുണം ലഭിക്കും.
നിലവില് കേന്ദ്ര ജീവനക്കാര്ക്കും പെന്ഷന്കാര്ക്കും 34 ശതമാനമായിരുന്നു ക്ഷാമബത്ത. നേരത്തെ മാര്ച്ച് മാസത്തില് ക്ഷാമബത്ത നാല് ശതമാനം വര്ധിപ്പിച്ചിരുന്നു. 2022 ജനുവരി ഒന്ന് മുതല് മുന്കാല പ്രാബല്യത്തോടെയാണ് അന്ന് ഡിഎ വര്ധിപ്പിച്ചത്.