ദിവ്യ എസ് അയ്യര്‍ക്കെതിരെ അശ്ലീല പരാമർശം; ദളിത് കോണ്‍ഗ്രസ്സ് നേതാവിന് സസ്‌പെന്‍ഷന്‍

കൊച്ചി | ദിവ്യ എസ് അയ്യര്‍ ഐ എ എസിനെതിരെ സമൂഹമാധ്യമത്തില്‍ അശ്ലീല കമന്റിട്ട ദളിത് കോണ്‍ഗ്രസ്സ് നേതാവിനെ സസ്‌പെന്‍ഡ് ചെയ്തു നടപടി. ദലിത് കോണ്‍ഗ്രസ്സ് എറണാകുളം ജില്ലാ സെക്രട്ടറി ടി കെ പ്രഭാകരനെയാണ് സസ്‌പെന്‍ഡ് ചെയ്തത്. ദിവ്യ എസ് അയ്യരുടെ സോഷ്യല്‍ മീഡിയ പോസ്റ്റിന് താഴെയായിരുന്നു പ്രഭാകരന്റെ അശ്ലീല കമന്റ്. ഇതിന്റെ സ്‌ക്രീന്‍ഷോട്ടുകള്‍ വ്യാപകമായി പ്രചരിച്ചിരുന്നു. ജില്ലാ കമ്മിറ്റിക്ക് ലഭിച്ച പരാതിയില്‍ അന്വേഷണം നടത്തിയ ശേഷമാണ് നടപടി.

ഇത്തരം പ്രവൃത്തികള്‍ അംഗീകരിക്കാനാകില്ലെന്ന് ഡി സി സി പ്രസിഡന്റ് മുഹമ്മദ് ശിയാസ് വ്യക്തമാക്കി. 2024ലും ഇയാള്‍ ഇത്തരം പരാമര്‍ശങ്ങള്‍ നടത്തുകയും നടപടിക്ക് വിധേയനാവുകയും ചെയ്തിരുന്നു. പിന്നീട് ഇത്തരം രീതി ആവര്‍ത്തിക്കില്ലെന്ന ഉറപ്പിലാണ് നടപടി പിന്‍വലിച്ചത്. വീണ്ടും ഇതാവര്‍ത്തിച്ച സാഹചര്യത്തിലാണ് സസ്‌പെന്‍ഷന്‍.