Kerala
വീണ്ടും ഇരുട്ടടി; കേരളത്തിലേക്കുള്ള കൂടുതല് വിമാന സര്വീസുകള് റദ്ദാക്കി എയര് ഇന്ത്യ എക്സ്പ്രസ്
ഈ മാസം 29 മുതല് ജൂണ് ഒന്നുവരെയുള്ള വിവിധ സര്വീസുകള് എയര് ഇന്ത്യ എക്സ്പ്രസ് നേരത്തെ റദ്ദാക്കിയിരുന്നു
![](https://assets.sirajlive.com/2023/08/air-india-1-897x538.jpg)
ന്യൂഡല്ഹി | യാത്രക്കാര്ക്ക് എയര് ഇന്ത്യ എക്സ്പ്രസ് വക വീണ്ടും ഇരുട്ടടി. ഒമാനില് നിന്ന് കേരളത്തിലേക്കുള്ള കൂടുതല് വിമാന സര്വീസുകള് എയര് ഇന്ത്യ എക്സ്പ്രസ് റദ്ദാക്കി. ജൂണ് രണ്ട്, നാല്, ആറ് ദിവസങ്ങളിലെ കോഴിക്കോട് -മസ്ക്റ്റ് വിമാനവും ജൂണ് മൂന്ന്, അഞ്ച്, ഏഴ് ദിവസങ്ങളിലെ മസ്കറ്റ് – കോഴിക്കോട് സര്വീസുകളും റദ്ദാക്കി.
ജൂണ് ഒന്ന്, മൂന്ന്, അഞ്ച്, ഏഴ് ദിവസങ്ങളിലെ കണ്ണൂര് മസ്കറ്റ്, മസ്കറ്റ് – കണ്ണൂര് സര്വീസുകളും ഉണ്ടാകില്ല. ഇതേദിവസങ്ങളില് തിരുവനന്തപുരം – മസ്കറ്റ് സര്വീസുകളും എയര് ഇന്ത്യ എക്സ്പ്രസ് റദ്ദാക്കി.ഈ മാസം 29 മുതല് ജൂണ് ഒന്നുവരെയുള്ള വിവിധ സര്വീസുകള് എയര് ഇന്ത്യ എക്സ്പ്രസ് നേരത്തെ റദ്ദാക്കിയിരുന്നു. ഒമാന് തലസ്ഥാനമായ മസ്കറ്റില് നിന്നുളള സര്വീസുകളാണ് ഓപ്പറേഷണല് കാരണങ്ങള്ക്കൊണ്ട് വിമാനക്കമ്പനി റദ്ദാക്കിയത്.