Uae
ഫുജൈറയില്‍ ദിവസങ്ങള്‍ നീളുന്ന ആഘോഷം
യു എ ഇയുടെ 53-ാമത് ദേശീയ ദിനത്തോടനുബന്ധിച്ച് നിരവധി ദിവസത്തെ ആഘോഷങ്ങള്‍ ഒരുക്കിയിട്ടുണ്ട്.
ഫുജൈറ|ഈദ് അല്‍ ഇത്തിഹാദിന് ഫുജൈറയില്‍ ദിവസങ്ങള്‍ നീണ്ടുനില്‍ക്കുന്ന ആഘോഷമെന്ന് സംഘാടക സമിതി ഒരുക്കിയിരിക്കുന്നത്. യു എ ഇയുടെ 53-ാമത് ദേശീയ ദിനത്തോടനുബന്ധിച്ച് നിരവധി ദിവസത്തെ ആഘോഷങ്ങള്‍ ഒരുക്കിയിട്ടുണ്ട്. ദിബ്ബ അല്‍ ഫുജൈറ, അല്‍ തവ്്യൂന്‍, അല്‍ ഖരിയ, മസാഫി, അല്‍ സൈജി, വാം, മുര്‍ബ, അവ്ഹാല എന്നിവയുള്‍പ്പെടെ എമിറേറ്റിലെ നിരവധി സ്ഥലങ്ങളില്‍ ആഘോഷങ്ങള്‍ നടക്കും.
വ്യാപകമായ സാമൂഹിക പങ്കാളിത്തം ഉറപ്പാക്കും. ഫുജൈറയിലും ദിബ്ബ അല്‍ ഫുജൈറയിലും അവയുടെ ചുറ്റുമുള്ള പ്രദേശങ്ങളിലും വൈവിധ്യമാര്‍ന്ന പ്രവര്‍ത്തനങ്ങള്‍ അവതരിപ്പിക്കാന്‍ ആഘോഷങ്ങള്‍ ആസൂത്രണം ചെയ്തിട്ടുണ്ട്. രാജ്യത്തിന്റെ കൂട്ടായ സന്തോഷം പ്രതിഫലിപ്പിക്കാന്‍ ഈ പരിപാടികള്‍ ലക്ഷ്യമിടുന്നു.
ആഘോഷങ്ങളില്‍ ആയിരക്കണക്കിന് സന്ദര്‍ശകരെയും പങ്കാളികളെയും സ്വാഗതം ചെയ്യാനുള്ള എമിറേറ്റിന്റെ സന്നദ്ധത ഫുജൈറ ഗവണ്‍മെന്റ് അമീരി കോര്‍ട്ട് ഡയറക്ടര്‍ മുഹമ്മദ് സഈദ് അല്‍ ദന്‍ഹാനി അറിയിച്ചു. സുപ്രീം കൗണ്‍സില്‍ അംഗവും ഫുജൈറ ഭരണാധികാരിയുമായ ശൈഖ് ഹമദ് ബിന്‍ മുഹമ്മദ് അല്‍ ശര്‍ഖിയുടെ നിര്‍ദേശപ്രകാരമാണ് ഒരുക്കങ്ങള്‍ നടക്കുന്നതെന്ന് അദ്ദേഹം പറഞ്ഞു.
Latest
ഷാര്ജ പുസ്തകമേള പുതിയ സ്ഥലത്തേക്ക് മാറും
അന്മോള് ബിഷ്ണോയി യു എസില് അറസ്റ്റിലായി
ഭൂമിക്കുവേണ്ടി തുറന്നെഴുത്ത്
ഡിസംബര് അവസാനത്തോടെ സ്വദേശിവത്കരണ ലക്ഷ്യങ്ങള് കൈവരിക്കണമെന്ന് യു എ ഇ
സന്ദീപിനെ ക്രിസ്റ്റല് ക്ലിയറെന്ന് വിശേഷിപ്പിച്ചിട്ടില്ല; പരാമര്ശം നടത്തിയത് സരിനുമായി ബന്ധപ്പെട്ട ചോദ്യത്തിന്: എ കെ ബാലന്
റാസ് അല്‍ ഖൈമയില് പരിപാടികള്‍ പ്രഖ്യാപിച്ചു
