ചികിത്സക്കിടെ എയ്ഡ്സ് ബാധിച്ച് മരിച്ച സംഭവം; നഷ്ടപരിഹാരം നല്‍കുന്നുണ്ടോയെന്ന് സര്‍ക്കാറിനോട് ഹൈക്കോടതി

കൊച്ചി | രക്താര്‍ബുദ രോഗി ചികിത്സക്കിടെ എയ്ഡ്സ് ബാധിച്ച് മരിച്ച സംഭവത്തില്‍ കുടുംബത്തിന് സര്‍ക്കാര്‍ നഷ്ടപരിഹാരം നല്‍കുന്നുണ്ടോയെന്ന് അറിയിക്കണമെന്ന് ഹൈക്കോടതി. ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി കേസില്‍ സത്യവാങ്മൂലം സമര്‍പ്പിക്കാന്‍ കോടതി നിര്‍ദേശം നല്‍കി.

മൂന്നാഴ്ചക്കുള്ളില്‍ സത്യവാങ്മൂലം സമര്‍പ്പിക്കാനാണ് ഹൈക്കോടതിയുടെ ഇടക്കാല ഉത്തരവ്. ആര്‍ സി സിയിലെ നിലവിലുള്ള രക്ത പരിശോധനാ സംവിധാനത്തിന്റെ വിശദാംശങ്ങള്‍ അറിയിക്കണമെന്നും കോടതി ആവശ്യപ്പെട്ടു.

ആലപ്പുഴ സ്വദേശിയാണ് ചികിത്സക്കിടെ എയ്ഡ്‌സ് ബാധിച്ച് മരിച്ചത്. സംഭവത്തില്‍ പിതാവ് ഹൈക്കോടതിയില്‍ ഹരജി നല്‍കിയിരുന്നു.