Ongoing News
എഡിഎമ്മിന്റെ മരണം; ആരോപണം ഉന്നയിച്ച പ്രശാന്തനെ ജോലിയില് നിന്നും നീക്കും: മന്ത്രി വീണ ജോര്ജ്
പ്രശാന്തന് ഇനി സര്വീസില് വേണ്ടെന്നാണ് സര്ക്കാര് നിലപാടെന്നും മന്ത്രി
തിരുവനന്തപുരം | പെട്രോള് പമ്പിന്റെ അനുമതിക്കായി എ ഡി എം നവീന് ബാബുവിന് കൈക്കൂലി നല്കിയെന്ന് ആരോപിച്ച പരിയാരം മെഡിക്കല് കോളജിലെ ജീവനക്കാരന് പി വി പ്രശാന്തനെ ജോലിയില് നിന്നും നീക്കുമന്ന് ആരോഗ്യമന്ത്രി വീണ ജോര്ജ്. പ്രശാന്തനെതിരെ വകുപ്പ്തല അന്വേഷണം നടത്തും. നിയമോപദേശം ലഭിച്ച ശേഷം പ്രശാന്തനെ ജോലിയില് നിന്നും നീക്കുമെന്നും മന്ത്രി മാധ്യമങ്ങളോട് പറഞ്ഞു. അതേ സമയം പ്രശാന്തന് സര്ക്കാര് ജീവനക്കാരനല്ലെന്നും കരാര് ജീവനക്കാരന് മാത്രമാണെന്നും മന്ത്രി വ്യക്തമാക്കി.
മെഡിക്കല് കോളജ് പ്രിന്സിപ്പല് ഡിഎംഇക്ക് നല്കിയ റിപ്പോര്ട്ട് തൃപ്തികരമല്ല. ഈ സാഹചര്യത്തില് അഡീഷണല് ചീഫ് സെക്രട്ടറി നേരിട്ട് പരിയാരത്തെത്തി കാര്യങ്ങള് അന്വേഷിക്കും. പ്രശാന്തന് ഇനി സര്വീസില് വേണ്ടെന്നാണ് സര്ക്കാര് നിലപാടെന്നും മന്ത്രി
പരിയാരം മെഡിക്കല് കോളജ് സര്ക്കാര് ഏറ്റെടുത്തതോടെ, നിലവിലുണ്ടായിരുന്നവരെ അതേ ശമ്പളത്തോടെ നിലനിര്ത്തിയിരുന്നു. എന്നാല് ഡോക്ടര്മാരും നഴ്സുമാരും അടക്കം കുറച്ചുപേരെ മാത്രമാണ് സര്ക്കാര് സര്വീസിലേക്ക് എടുത്തത്. ബാക്കിയുള്ളവരെ സര്വീസിലേക്ക് എടുക്കാനുള്ള ആഗിരണ പ്രക്രിയ നടന്നു കൊണ്ടിരിക്കുകയാണ്. ജീവനക്കാരെ സ്ഥിരപ്പെടുത്തുന്നതിനുള്ള ലിസ്റ്റില് പ്രശാന്തനും ഉള്പ്പെട്ടിരുന്നു. എന്നാല് ഇനി പ്രശാന്തന് വകുപ്പില് ജോലിക്കാരനായി ഉണ്ടാകരുതെന്നാണ് ആരോഗ്യവകുപ്പിന്റെ തീരുമാനം. പ്രശാന്തനെ ടെര്മിനേറ്റ് ചെയ്യുന്നതിനായി സര്ക്കാര് നിയമോപദേശം തേടിയിട്ടുണ്ട്. നിയമപരമായി ഒരു പഴുതും ഉണ്ടാകരുതെന്ന് ഉറപ്പിക്കാനാണ് നിയമോപദേശം തേടിയിട്ടുള്ളത്. പരിയാരം മെഡിക്കല് കോളജില് ഇലക്ട്രീഷ്യനായിട്ടാണ് ഇയാള് ജോലി ചെയ്തിരുന്നത്. എന്നാല് പമ്പു തുടങ്ങാന് ഇയാളുടെ അപേക്ഷ കിട്ടിയിട്ടില്ല. മെഡിക്കല് കോളജ് സൂപ്രണ്ടും പ്രിന്സിപ്പലും അത്തരത്തിലൊരു തെളിവുമില്ലെന്നാണ് അറിയിച്ചത്. സംഭവത്തില് കണ്ണൂരില് നിന്നും ലഭിച്ച റിപ്പോര്ട്ട് തൃപ്തികരമല്ലെന്നും മന്ത്രി പറഞ്ഞു
പറഞ്ഞു