Kerala
മോഡല്‍ ഷഹാനയുടെ മരണം; ഭര്‍ത്താവ് അറസ്റ്റില്‍
ദേഹത്ത് ചെറിയ മുറിവുകള്‍ ഉണ്ടെന്നും കൂടുതല്‍ പരിശോധന വേണമെന്നും പോലീസ് ഉദ്യോഗസ്ഥര്‍ പറഞ്ഞു
കോഴിക്കോട് | മോഡല്‍ ഷഹാനയുടെ മരണവുമായി ബന്ധപ്പെട്ട് ഭര്‍ത്താവ് സജാദ് അറസ്റ്റില്‍. സ്ത്രീപീഡനം (498A),ആത്മഹത്യാ പ്രേരണ (306), എന്നീ കുറ്റങ്ങള്‍ ചുമത്തിയാണ് ചേവായൂര്‍ പോലീസ് ഇയാളെ അറസ്റ്റ് ചെയ്തത്. ഇന്നലെ രാത്രിയാണ് യുവതി മരിച്ചത്. രാത്രി പതിനൊന്നേമുക്കാലോടെ സജാദിന്റെ നിലവിളി കേട്ട് അയല്‍വാസികള്‍ ഇവരുടെ വീട്ടിലെത്തുകയായിരുന്നു. സജാദിന്റെ മടിയില്‍ ഷഹാന അവശയായി കിടക്കുന്നതാണ് അയല്‍വാസികള്‍ കണ്ടത്. അയല്‍വാസികള്‍ അറിയിച്ചതിനെ തുടര്‍ന്ന് പോലീസെത്തി ഷഹാനയെ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
യുവതി തൂങ്ങിമരിച്ചതാണെന്നാണ് പോസ്റ്റുമോര്‍ട്ടത്തിലെ പ്രാഥമിക കണ്ടെത്തല്‍. എന്നാല്‍ ദേഹത്ത് ചെറിയ മുറിവുകള്‍ ഉണ്ടെന്നും കൂടുതല്‍ പരിശോധന വേണമെന്നും പോലീസ് ഉദ്യോഗസ്ഥര്‍ പറഞ്ഞു. ഒന്നര വര്‍ഷം മുന്‍പാണ് സജാദ് ഷഹാനയെ വിവാഹം കഴിച്ചത്. കോഴിക്കോട് ചെറുകുളം സ്വദേശിയാണ് സജാദ്. ഷഹാനയുടെ വീട് കാസര്‍കോട് ചെറുവത്തുര്‍ തിമിരിയിലാണ്. വിവാഹം കഴിഞ്ഞത് മുതല്‍ സജാദും വീട്ടുകാരും ഷഹാനയെ പീഡിപ്പിക്കുന്നുണ്ടെന്നാണ് ബന്ധുക്കളുടെ ആരോപണം. പറമ്പില്‍ ബസാറില്‍ ഒന്നര മാസമായി ഷഹാനയും ഭര്‍ത്താവും വാടകക്ക് താമസിച്ചുവരികയായിരുന്നു
Latest
കമ്യൂണിസ്റ്റ് പാര്‍ട്ടിക്ക് ശ്രീലങ്കന്‍ പാര്‍ലമെന്റ് തെരഞ്ഞെടുപ്പിലും വമ്പന്‍ വിജയം
വിദേശത്ത് ജോലി വാഗ്ദാനം; പണം തട്ടിയ അമ്മയും മകളും അറസ്റ്റില്‍
ഹോസ്റ്റല്‍ കെട്ടിടത്തില്‍ നിന്ന് വീണ നഴ്‌സിംഗ് വിദ്യാര്‍ഥിനി മരിച്ചു
മദ്യപിച്ചെത്തിയ ആള്‍ അയല്‍ക്കാരനെ വെട്ടിക്കൊന്നു
ഇന്ത്യ-സൗത്ത് ആഫ്രിക്ക ടി20; പടുകൂറ്റന്‍ സ്‌കോര്‍ പടുത്തുയര്‍ത്തി സഞ്ജുവും തിലകും
മുനമ്പം വഖ്ഫ് ഭൂമി തന്നെ; നിയമസഭാ രേഖ പുറത്ത്
