National
ഒരു കോടിയുടെ ഹെറോയിനുമായി ഡല്‍ഹിയിലെ 'ലേഡി ഡോണ്‍' അറസ്റ്റില്‍
രഹസ്യവിവരത്തിന്റെ അടിസ്ഥാനത്തിലാണ് ഡല്‍ഹിയിലെ വെല്‍ക്കം കോളനിയില്‍ റെയ്ഡ് നടത്തി സോയ ഖാനെ പോലീസ് പിടികൂടിയത്.
ഡല്‍ഹി | ഒരു കോടിയിലേറെ വിലമതിക്കുന്ന ഹെറോയിനുമായി ഡല്‍ഹിയിലെ ലേഡി ഡോണ്‍ പോലീസിന്റെ പിടിയില്‍. കുപ്രസിദ്ധ അധോലോക തലവന്‍ ഹാഷിം ബാബയുടെ ഭാര്യ സോയ ഖാനാണ് പിടിയിലായത്.
വര്‍ഷങ്ങളായി ഡല്‍ഹി പോലീസിനെ കബളിപ്പിച്ച് നടക്കുകയായിരുന്നു സോയ ഖാന്‍. കൊലപാതകം ,പിടിച്ചുപറി,ആയുധക്കടത്ത് തുടങ്ങി നിരവധി കേസുകളുള്ള സോയയുടെ ഭര്‍ത്താവ് ഹാഷിം ജയിലിലാണ്.ഭര്‍ത്താവ് ജയിലില്‍ പോയതിനു ശേഷം ക്രമിനല്‍ സാമ്രാജ്യത്തെ സോയയാണ് നയിച്ചത്.യുവതിയുടെ ക്രിമിനല്‍ പശ്ചാത്തലത്തെ കുറിച്ച് നേരത്തെ വിവരം ഉണ്ടായിരുന്നിട്ടും തെളിവുകളുടെ അഭാവത്തെ തുടര്‍ന്നാണ് കസ്റ്റഡിയിലെടുക്കാന്‍ പോലീസിന് സാധിക്കാതെ വന്നത്.
ലഹരിമരുന്ന് കടത്ത് സംഘത്തിലെ അംഗമാണ് സോയയുടെ പിതാവ്. വടക്ക് കിഴക്കന്‍ ഡല്‍ഹിയിലെ വിവിധ സ്ഥലങ്ങള്‍ കേന്ദ്രീകരിച്ചാണ് ഇവരുടെ കുടുംബം പ്രവര്‍ത്തിക്കുന്നത്. പിടികൂടിയ ലഹരിമരുന്ന് ഉത്തര്‍പ്രദേശിലെ മുസാഫര്‍ നഗറില്‍ നിന്നാണ് വിതരണത്തിനെത്തിച്ചത്.രഹസ്യവിവരത്തിന്റെ അടിസ്ഥാനത്തിലാണ് ഡല്‍ഹിയിലെ വെല്‍ക്കം കോളനിയില്‍ റെയ്ഡ് നടത്തി സോയ ഖാനെ പോലീസ് പിടികൂടിയത്.
Latest
കാര്‍ ക്രാഷ് ബാരിയറില്‍ ഇടിച്ചുകയറി യുവാവ് മരിച്ചു
ആശാ സമരം 13ാം ദിനത്തില്‍; ചെന്നിത്തലയുടെ നേതൃത്വത്തില്‍ കോണ്‍ഗ്രസ്സ് നേതാക്കള്‍ സമരപ്പന്തലിലെത്തി
കുടിശ്ശിക അടച്ചു; താജ് ബഞ്ചാര വീണ്ടും തുറന്നു
മസ്തകത്തിന് അണുബാധ, തുമ്പിക്കൈയില്‍ പുഴുവരിച്ചു; ചരിഞ്ഞ ആനയുടെ പോസ്റ്റുമോര്‍ട്ടം റിപോര്‍ട്ട്
സാറ്റലൈറ്റ് ഫോണ്‍ ഉപയോഗിച്ച ഇസ്‌റാഈല്‍ ദമ്പതികള്‍ കസ്റ്റഡിയില്‍
റസലിന്റെ മൃതദേഹം രാവിലെ നെടുമ്പാശ്ശേരിയിലെത്തിക്കും; ഉച്ചക്ക് ശേഷം ചങ്ങനാശ്ശേരിയില്‍ വിലാപയാത്ര
