National
ഡല്‍ഹി ചലോ മാര്‍ച്ച് അഞ്ചാം ദിവസവും തുടരുന്നു; ബി.ജെ.പി നേതാക്കളുടെ വസതികള്‍ക്ക് മുന്നില്‍ പ്രതിഷേധം
നിലവില്‍ സമരരംഗത്തുള്ള കര്‍ഷകര്‍ക്ക് പിന്തുണയുമായി കൂടുതല്‍ കര്‍ഷക സംഘടനകള്‍ രംഗത്തെത്തുന്നുണ്ട്.
ന്യൂഡല്‍ഹി| വിവിധ ആവശ്യങ്ങള്‍ ഉന്നയിച്ച് കേന്ദ്രസര്‍ക്കാറിനെതിരെ കര്‍ഷകര്‍ നടത്തുന്ന ഡല്‍ഹി ചലോ മാര്‍ച്ച് അഞ്ചാം ദിവസവും തുടരുന്നു. സമരം ശക്തമാക്കാനാണ് കര്‍ഷകര്‍ തീരുമാനിച്ചിരിക്കുന്നത്. പഞ്ചാബ്-ഹരിയാന അതിര്‍ത്തിയായ ശംഭുവിലാണ് കൂടുതല്‍ കര്‍ഷകര്‍ പ്രതിഷേധിക്കുന്നത്. നിലവില്‍ സമരരംഗത്തുള്ള കര്‍ഷകര്‍ക്ക് പിന്തുണയുമായി കൂടുതല്‍ കര്‍ഷക സംഘടനകള്‍ രംഗത്തെത്തുന്നുണ്ട്.
ഭാരതീയ കിസാന്‍ യൂണിയന്‍ (ഏക്താ ഉഗ്രഹാന്‍) വിഭാഗം പഞ്ചാബിലെ ബി.ജെ.പി നേതാക്കളുടെ വസതികള്‍ക്ക് മുന്നില്‍ ഇന്ന് പ്രതിഷേധിക്കും. ഇന്നലെയും കേന്ദ്ര സര്‍ക്കാറുമായി കര്‍ഷകര്‍ ചര്‍ച്ച നടത്തിയിരുന്നു. അതിന്റെ തുടര്‍ച്ചയായി നാളെയും ചര്‍ച്ച നടക്കും. കര്‍ഷകരെ നേരിടാനായി അതിര്‍ത്തിയാകെ ബാരിക്കേഡുകളും മുള്ളുവേലിയും സ്ഥാപിച്ച് അടച്ചിരിക്കുകയാണ്. പഞ്ചാബ്-ഹരിയാന അതിര്‍ത്തിയില്‍ വെള്ളിയാഴ്ച കര്‍ഷകരും പോലീസും ഏറ്റുമുട്ടിയിരുന്നു.
നിരവധി ആവശ്യങ്ങള്‍ ഉന്നയിച്ച് 200 ഓളം കര്‍ഷക സംഘടനകളാണ് ഡല്‍ഹി ചലോ മാര്‍ച്ചില്‍ പങ്കെടുക്കുന്നത്. പഞ്ചാബ്, ഹരിയാന, ഉത്തര്‍പ്രദേശ്, രാജസ്ഥാന്‍ എന്നിവിടങ്ങളിലെ കര്‍ഷകരാണ് പ്രധാനമായും സമരത്തില്‍ പങ്കെടുക്കുന്നത്. കേന്ദ്ര മന്ത്രിമാരുമായി നടത്തിയ ചര്‍ച്ചയും പരാജയപ്പെട്ടതോടെയാണ് കര്‍ഷകര്‍ മാര്‍ച്ചുമായി മുന്നോട്ട് പോകാന്‍ തീരുമാനിച്ചത്. കാലങ്ങളായി കര്‍ഷകര്‍ ഉന്നയിക്കുന്ന താങ്ങുവില, വിള ഇന്‍ഷുറന്‍സ്, കര്‍ഷകര്‍ക്ക് എതിരായ എഫ്‌ഐആര്‍ റദ്ദാക്കുക തുടങ്ങിയ ആവശ്യങ്ങളാണ് കര്‍ഷക സംഘടനകള്‍ മുന്നോട്ട് വെക്കുന്നത്.
Latest
തിരുവല്ല കുമ്പനാട് കരോള്‍ സംഘത്തിന് നേരെയുണ്ടായ ആക്രമണം; അഞ്ച് പേര്‍ പിടിയില്‍
നിലമേലില്‍ പ്രഭാത സവാരിക്ക് ഇറങ്ങിയ സ്ത്രീ വാഹനമിടിച്ച് മരിച്ചു
തിരുവല്ല കുമ്പനാട് കരോള്‍ സംഘത്തിന് നേരെ ആക്രമണം; സ്ത്രീകളടക്കം എട്ട് പേര്‍ക്ക് പരുക്ക്
കാരവാനിനകത്ത് രണ്ട് യുവാക്കളുടെ മരണകാരണം ജനറേറ്ററില്‍ നിന്നുള്ള വിഷപ്പുകയെന്ന് കണ്ടെത്തി
ക്രിസ്മസ് ആഘോഷം ഒഴിവാക്കി മുനമ്പം ജനത; നിരാഹാര സമരം അനുഷ്ഠിക്കും
എ ഡി എം നവീന്‍ ബാബുവിന്റെ മരണം; പ്രശാന്ത് കൈക്കൂലി കൊടുത്തതിന് തെളിവില്ല
