delhi riot
ഡല്‍ഹി കലാപം: പോലീസ് അന്വേഷണം മഹാമോശമാണെന്ന് കോടതി
ആസിഡും കുപ്പിയും ഇഷ്ടികയുമായി പോലീസ് ഉദ്യോഗസ്ഥരെ ആക്രമിച്ചെന്ന അശ്‌റഫ് അലി എന്നയാള്‍ക്കെതിരായ കേസിലാണ് കോടതിയുടെ വിമര്‍ശനം.
ന്യൂഡല്‍ഹി | 2020 ഫെബ്രുവരിയില്‍ വടക്കുകിഴക്കന്‍ ഡല്‍ഹിയിലുണ്ടായ കലാപത്തില്‍ പോലീസ് അന്വേഷണം മഹാമോശമാണെന്ന് കോടതി. വിഷയത്തില്‍ ഡല്‍ഹി പോലീസ് കമ്മീഷണറുടെ ഇടപെടല്‍ അഡീഷണല്‍ സെഷന്‍സ് ജഡ്ജ് വിനോദ് യാദവ് ആവശ്യപ്പെട്ടു. കലാപവുമായി ബന്ധപ്പെട്ട നിരവധി കേസുകളില്‍ അന്വേഷണ നിലവാരം മഹാമോശമാണെന്ന് കോടതി ചൂണ്ടിക്കാട്ടി.
ഭൂരിപക്ഷം കേസുകളിലും അന്വേഷണ ഉദ്യോഗസ്ഥര്‍ കോടതിയില്‍ ഹാജരായിട്ടില്ല. യുക്തിഭദ്രമായ അന്തിമ നിഗമനം അന്വേഷണങ്ങളിലുണ്ടായിട്ടില്ല. അപൂര്‍ണ കുറ്റപത്രമാണ് സമര്‍പ്പിച്ചത്. ഇതിനാല്‍ തന്നെ ആരോപണവിധേയര്‍ ജയിലുകളില്‍ അനന്തമായി തുടരുകയാണെന്നും കോടതി ചൂണ്ടിക്കാട്ടി.
ആസിഡും കുപ്പിയും ഇഷ്ടികയുമായി പോലീസ് ഉദ്യോഗസ്ഥരെ ആക്രമിച്ചെന്ന അശ്‌റഫ് അലി എന്നയാള്‍ക്കെതിരായ കേസിലാണ് കോടതിയുടെ വിമര്‍ശനം. ഈ കേസില്‍ ഇരകള്‍ പോലീസുകാരായിട്ടും അന്വേഷണ ഉദ്യോഗസ്ഥന്‍ ആസിഡ് സാമ്പിള്‍ ശേഖരിക്കുകയോ രാസ പരിശോധന നടത്തുകയോ ചെയ്തിട്ടില്ല. പരുക്കിന്റെ സ്വഭാവം സംബന്ധിച്ച വിദഗ്‌ധോപദേശവും തേടിയിട്ടില്ലെന്നും ശനിയാഴ്ച പുറപ്പെടുവിച്ച ഉത്തരവില്‍ പറയുന്നു.
Latest
സംസ്ഥാനത്ത് 28 വാര്‍ഡുകളില്‍ ഇന്ന് ഉപതിരഞ്ഞെടുപ്പ്; വോട്ടെണ്ണല്‍ നാളെ
പാലക്കാട് സ്‌കൂട്ടറില്‍ ലോറിയിടിച്ച് യുവതി മരിച്ചു
മൊറോക്കൻ സ്വദേശി അഹ്മദ് സൈനൂൻ അറബ് ഹോപ് മേക്കർ വിജയി
നന്‍മയുടെ വിമര്‍ശങ്ങളെ സ്വാഗതം ചെയ്യും; തരൂരിന്റെ പ്രസ്താവനയില്‍ പ്രതികരിച്ച് കെസി വേണുഗോപാല്‍
തെലങ്കാനയില്‍ തുരങ്കത്തില്‍ കുടുങ്ങിയ തൊഴിലാളികളെ പുറത്തെത്തിക്കാന്‍ നാവികസേന എത്തും
വയനാട്ടിലെ ദുരന്തബാധിതരോടുള്ള കേന്ദ്ര അവഗണന; പാര്‍ലമെന്റിന് മുന്നിലെ രാപ്പകല്‍ സമരത്തിന് ഇന്ന് തുടക്കം
