delhi riot
ഡല്‍ഹി കലാപം: കല്ലേറ് കേസില്‍ ഉമര്‍ ഖാലിദ് കുറ്റവിമുക്തൻ
വിദ്യാര്‍ഥി നേതാവായ ഖാലിദ് സെയ്ഫിയെയും കേസില്‍ നിന്ന് ഒഴിവാക്കിയിട്ടുണ്ട്.
ന്യൂഡല്‍ഹി | 2020ലെ ഡല്‍ഹി കലാപവുമായി ബന്ധപ്പെട്ട കല്ലേറ് കേസില്‍ നിന്ന് ജെ എന്‍ യു വിദ്യാര്‍ഥി യൂനിയന്‍ നേതാവ് ഉമര്‍ ഖാലിദിനെ കുറ്റവിമുക്തനാക്കി. മറ്റൊരു വിദ്യാര്‍ഥി നേതാവായ ഖാലിദ് സെയ്ഫിയെയും കേസില്‍ നിന്ന് ഒഴിവാക്കിയിട്ടുണ്ട്. ഡല്‍ഹിയിലെ കര്‍കാര്‍ഡൂമ കോടതിയുടെതാണ് ഉത്തരവ്.
ഡല്‍ഹിയിലെ ചാന്ദ്ബാഗിലുണ്ടായ കല്ലേറ് കേസില്‍ ഇരുവര്‍ക്കും ജാമ്യം നല്‍കിയിട്ടുമുണ്ട്. എന്നാല്‍, മറ്റ് കേസുകളില്‍ ഉള്‍പ്പെട്ടതിനാല്‍ ഇരുവരും ജയിലില്‍ തുടരും. തീവ്രവാദവിരുദ്ധ നിയമം യു എ പി എ ഇരുവര്‍ക്കുമെതിരെ ചുമത്തിയിരുന്നു. നിലവില്‍ ജുഡീഷ്യല്‍ കസ്റ്റഡിയിലാണ്.
കാരാവല്‍ നഗര്‍ പോലീസ് സ്‌റ്റേഷനിലാണ് എഫ് ഐ ആര്‍ രജിസ്റ്റര്‍ ചെയ്തിരുന്നത്. കലാപമുണ്ടാക്കല്‍, കുറ്റകരമായ ഗൂഢാലോചന അടക്കമുള്ള വിവിധ വകുപ്പുകള്‍ ചുമത്തിയിരുന്നു. കേസിന്റെ അന്വേഷണം പിന്നീട് ക്രൈം ബ്രാഞ്ച് ഏറ്റെടുത്തിരുന്നു. 2020 സെപ്തംബറിലാണ് ഉമര്‍ ഖാലിദ് അറസ്റ്റിലായത്.
Latest
കേരള യുവജന സമ്മേളനം : എസ് വൈ എസ് പ്ലാറ്റിനം സഫര്‍ ആവേശമായി
ബലാത്സംഗ പരാതിയില്‍ കേസെടുത്തില്ല; പോലീസ് സ്റ്റേഷനിലെത്തി വിഷം കഴിച്ച യുവതി മരിച്ചു
ദക്ഷിണാഫ്രിക്കക്കെതിരെ സഞ്ജു സാംസണ് സെഞ്ച്വറി
വിനോദസഞ്ചാര മേഖലയില്‍ കുതിപ്പ്; സീപ്ലെയിന്‍ സര്‍വീസ് നവംബര്‍ 11 ന് ഫ്‌ളാഗ് ഓഫ് ചെയ്യും
കനത്ത മഴയില്‍ തിരുവനന്തപുരത്ത് വ്യാപക നാശം; തോട്ടിലേക്ക് ഓട്ടോമറിഞ്ഞ് ഒരാളെ കാണാതായി
പുഴുവരിച്ച അരി; ഭക്ഷ്യ കമ്മീഷന് വിശദീകരണം നല്‍കി വയനാട് എ ഡി എം
