വേദിയില്‍ തളര്‍ന്ന് വീണെങ്കിലും അനയക്ക് എ ഗ്രേഡുമായി മടക്കം

കൊല്ലം | കുച്ചിപ്പുടി അവതരിപ്പിക്കുന്നതിനിടെ അരപ്പട്ട മുറുകി ശ്വാസതടസ്സം അനുഭവപ്പെട്ട് വിദ്യാര്‍ഥി വേദിയില്‍ വീണു. എച്ച്എസ്എസ് വിഭാഗത്തില്‍ കുച്ചിപ്പുടി അവതരിപ്പിക്കവെയാണ് അനയക്ക് അരപ്പട്ട മുറുകി ശ്വാസം തടസ്സം അനുഭവപ്പെട്ടത്. തുടര്‍ന്ന് തിരശീല വീഴുമ്പോഴേക്കും അനയ വേദിയില്‍ വീണു. തളര്‍ന്ന് വീണ അനയയുടെ അരപ്പട്ട ഊരിമാറ്റി വെള്ളം കുടിപ്പിച്ചതോടെ ശ്വാസതടസ്സം മാറി .

വേദിയില്‍ വീണെങ്കിലും വിജയം അനയയെ കൈവിട്ടില്ല.  കുച്ചിപ്പുടിയില്‍ എ ഗ്രേഡ് കരസ്ഥമാക്കിയ അനയക്ക് അപ്പീലിലൂടെയെത്തി ഭരതനാട്യത്തിലും മോഹിനിയാട്ടത്തിലും എ ഗ്രേഡ് ലഭിച്ചിട്ടുണ്ട്.

അനയെ നൃത്തം അഭ്യസിപ്പിക്കുന്നത് ആനന്ദ് എന്ന അധ്യാപകനാണ്. തൃശൂര്‍ ബദനി സെന്റ് ജോണ്‍സ് എച്ച്.എസ്.എസിലെ വിദ്യാര്‍ഥിയാണ് അനയ.