വെളിപ്പെടുത്തലുകള്‍ വിനയായി; ചീഫ് സെലക്ടര്‍ പദവി രാജിവച്ച് ചേതന്‍ ശര്‍മ

മുംബൈ | ഇന്ത്യന്‍ ക്രിക്കറ്റ് ടീമിന്റെ ചീഫ് സെലക്ടര്‍ സ്ഥാനത്തു നിന്ന് ചേതന്‍ ശര്‍മ രാജിവച്ചു. ഇന്ത്യന്‍ താരങ്ങളെ സംബന്ധിച്ച് സ്വകാര്യ ചാനലിന്റെ ഒളികാമറയില്‍ നടുക്കുന്ന വെളിപ്പെടുത്തലുകള്‍ നടത്തിയതിനു പിന്നാലെയാണ് രാജി.

ഫിറ്റ്‌നസ് നിലനിര്‍ത്താന്‍ താരങ്ങള്‍ ഉത്തേജക മരുന്നുകള്‍ കുത്തിവക്കുന്നുവെന്നതുള്‍പ്പെടെയുള്ള വെളിപ്പെടുത്തലുകളാണ് ശര്‍മ നടത്തിയത്. രാജി ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബി സി സി ഐ) അംഗീകരിച്ചിട്ടുണ്ട്.

പദവിയില്‍ പകരം ആരെ നിയോഗിക്കുമെന്ന കാര്യത്തില്‍ തീരുമാനമായിട്ടില്ല. കിഴക്കന്‍ മേഖലാ സെലക്ടര്‍ ശിവ് സുന്ദര്‍ ദാസ് പദവിയിലെത്തുമെന്ന് അഭ്യൂഹങ്ങളുണ്ട്.