Kerala
ഹേമ കമ്മിറ്റി റിപ്പോര്‍ട്ടില്‍ കേസ് എടുക്കരുത്; ഹരജി നാളെ സുപ്രീം കോടതി പരിഗണിക്കും
കേരള ഹൈക്കോടതി ഉത്തരവിനെതിരെ നിര്‍മാതാവ് സജിമോന്‍ പാറയില്‍ ആണ് സുപ്രീം കോടതിയില്‍ ഹരജി സമര്‍പ്പിച്ചിരിക്കുന്നത്
ന്യൂഡല്‍ഹി | ഹേമ കമ്മിറ്റി റിപ്പോര്‍ട്ടില്‍ കേസ് എടുക്കുന്നതിനെ ചോദ്യം ചെയ്ത് സുപ്രീം കോടതിയില്‍ ഹരജി. കേരള ഹൈക്കോടതി ഉത്തരവിനെതിരെ നിര്‍മാതാവ് സജിമോന്‍ പാറയില്‍ ആണ് സുപ്രീം കോടതിയില്‍ ഹരജി സമര്‍പ്പിച്ചിരിക്കുന്നത്. കേസ് എടുക്കാനുള്ള ഹൈക്കോടതി ഉത്തരവ് അടിയന്തരമായി സ്റ്റേ ചെയ്യണമെന്നാണ് ഹരജിയിലെ ആവശ്യം. ഹരജി സുപ്രീം കോടതി നാളെ പരിഗണിക്കും.
ഹേമകമ്മറ്റിയില്‍ ലഭിച്ച മൊഴികളുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് അന്വേഷണം നടത്താന്‍ കേരള ഹൈക്കോടതി ഉത്തരവിട്ടിരുന്നു. പ്രത്യേക അന്വേഷണ സംഘത്തോടാണ് എഫ്ഐഐആര്‍ രജിസ്റ്റര്‍ ചെയ്ത് തുടര്‍നടപടികള്‍ സ്വീകരിക്കാന്‍ ഹൈക്കോടതി നിര്‍ദേശിച്ചത്. ഇതിന്റെ അടിസ്ഥാനത്തില്‍ പ്രത്യേക അന്വേഷണം സംഘം സ്വീകരിച്ച നടപടികള്‍ അടിയന്തരമായി സ്റ്റേ ചെയ്യണമെന്നും സുപ്രീം കോടതിയില്‍ ഫയല്‍ ചെയ്ത ഹരജിയില്‍ ആവശ്യപ്പെടുന്നു.
ഹരജി അടിയന്തരമായി പരിഗണിക്കണമെന്ന് ആവശ്യപ്പെട്ട് സജി മോന്‍ പാറയിലിന്റെ അഭിഭാഷകന്‍ സുപ്രീം കോടതിയില്‍ കത്ത് നല്‍കിയിരുന്നു. ഈ കത്തിന്റെ അടിസ്ഥാനത്തില്‍ ഹരജി നാളെ പരിഗണിക്കാനാണ് സുപ്രീം കോടതിയുടെ തീരുമാനം. ജസ്റ്റിസുമാരായ വിക്രം നാഥ്, പിബി വരാലെ അടങ്ങുന്ന ബഞ്ചാണ് ഹര്‍ജി പരിഗണിക്കുന്നത്. സജിമോന്‍ പാറയിലിന് വേണ്ടി സീനിയര്‍ അഭിഭാഷകന്‍ മുകുള്‍ റോഹ്തഗി ആണ് ഹാജരാകുക
Latest
എല്ലാ സാമുദായിക സംഘനടകളുമായും നല്ല ബന്ധം; തിരഞ്ഞെടുപ്പിന് മുമ്പ് പാര്‍ട്ടിയെ ശക്തിപ്പെടുത്തണം; ചെന്നിത്തല
കേരള യുവജന സമ്മേളനം; ഐക്യദാര്‍ഢ്യ സംഗമം പ്രൗഢമായി
ഷാര്‍ജയില്‍ നിന്ന് യൂറോപ്പിലേക്ക് കൂടുതല്‍ സര്‍വീസുകള്‍
ഇസ്‌റാഈല്‍ ആക്രമണത്തില്‍ പാദങ്ങളും കൈയും നഷ്ടപ്പെട്ടു; ഫലസ്തീന്‍ ബാലന് കൃത്രിമ അവയവങ്ങള്‍ നല്‍കി ശൈഖ് ഹംദാന്‍
ദ്രുതഗതിയിലുള്ള വളര്‍ച്ച നേടി ഇസ്‌ലാമിക സാമ്പത്തിക മേഖല
നിക്ഷേപകന്റെ മരണം; അന്വേഷണ സംഘം കൂടുതല്‍ പേരുടെ മൊഴിയെടുക്കും
