ഈ ലക്ഷണങ്ങളുണ്ടോ? ചിലപ്പോൾ അപ്പൻഡിസൈറ്റിസ് ആയിരിക്കാം

അപ്പൻഡിസൈറ്റസ് എന്നത് ഉടനടി വൈദ്യസഹായം ആവശ്യമുള്ള ഒരു രോഗാവസ്ഥയാണ്. ഇത് നേരത്തെ തിരിച്ചറിഞ്ഞ് വൈദ്യസഹായം തേടിയില്ലെങ്കിൽ രോഗാവസ്ഥ കൂടുതൽ സങ്കീർണമായേക്കാം.അപ്പൻഡിസൈറ്റിസിന്റെ ലക്ഷണങ്ങൾ നേരത്തെ തിരിച്ചറിയുന്നത് നിർണായകമാണ് .എന്തൊക്കെയാണ് ഇതിന്റെ പ്രധാന ലക്ഷണങ്ങൾ എന്ന് നോക്കാം.

കഠിനമായ വയറുവേദന

• പൊക്കിളിനടുത്ത് നിന്ന് ആരംഭിച്ച്  താഴെ വരെ എത്തുന്ന വയറുവേദനയാണ് പ്രധാന ലക്ഷണം. ഇത് വലതുവശത്തേക്ക് നീങ്ങുന്നതായും അനുഭവപ്പെടാം.

വിശപ്പ് കുറയുന്നു

• ഭക്ഷണത്തോട് പെട്ടെന്ന് താല്പര്യം കുറയുന്നതും  വിശപ്പില്ലായ്മയും  അപ്പൻഡിസൈറ്റിസിന്റെ  ലക്ഷണമാണ്.

ഓക്കാനം ഛർദി

• വയറുവേദനയോടൊപ്പം ഛർദ്ദിയും ഓക്കാനവും വരുന്നതും അപ്പൻഡിസൈറ്റിസിന്റെ ലക്ഷണമാണ്.

പനിയും വിറയലും

• രോഗാവസ്ഥ വഷളാകുമ്പോൾ രോഗിക്ക് കുറഞ്ഞതോതിൽ പനിയും വിറയലും അനുഭവപ്പെട്ടേക്കാം.

വയറു വീർക്കുന്നു

• അടിവയറ്റിൽ വലതുഭാഗത്ത് വീക്കം അനുഭവപ്പെടുന്നതും പ്രധാന ലക്ഷണമാണ്

മലബന്ധവും വയറിളക്കവും

• മലവിസർജന രീതിയിൽ ഉണ്ടാകുന്ന മാറ്റങ്ങളും ഇതിന്റെ ലക്ഷണമാണ്.

അപ്പൻഡിസൈറ്റിസ് എന്നതും നേരത്തെ കണ്ടു പിടിച്ചാൽ  ഭേദമാക്കാവുന്ന രോഗാവസ്ഥയാണ്. അതുകൊണ്ടുതന്നെ ഈ ലക്ഷണങ്ങൾ അവഗണിക്കാതെ ഡോക്ടറുടെ ചികിത്സ തേടുന്നത് നിർണായകമാണ്