National
ഡോക്ടറെ കൊലപ്പെടുത്തിയ കേസ്: സ്ത്രീ സുരക്ഷക്കായി 'സാഥി' പദ്ധതി പ്രഖ്യാപിച്ച് മമത സര്‍ക്കാര്‍
അതിക്രൂരമായ കൊലപാതകത്തില്‍ രാജ്യവ്യാപക പ്രതിഷേധം അലയടിക്കുന്നതിനിടെയാണിത്.
കൊല്‍ക്കത്ത | ആര്‍ ജി കര്‍ മെഡിക്കല്‍ കോളജില്‍ ജൂനിയര്‍ ഡോക്ടര്‍ ബലാത്സംഗത്തിനിരയായി കൊല്ലപ്പെട്ട സംഭവത്തിനു പിന്നാലെ സ്ത്രീ സുരക്ഷയ്ക്കായി ബംഗാള്‍ സര്‍ക്കാര്‍ നടപടികള്‍ പ്രഖ്യാപിച്ചു. അതിക്രൂരമായ കൊലപാതകത്തില്‍ രാജ്യവ്യാപക പ്രതിഷേധം അലയടിക്കുന്നതിനിടെയാണിത്.
‘സാഥി’ എന്ന പേരിലുള്ള പദ്ധതിയാണ് മമത സര്‍ക്കാര്‍ ഇന്നലെ രാത്രി പ്രഖ്യാപിച്ചത്. വനിതാ ഡോക്ടര്‍മാരുടെ ജോലി 12 മണിക്കൂറിലധികം പാടില്ല, ആശുപത്രികളില്‍ ഉള്‍പ്പെടെ പ്രത്യേക വിശ്രമ മുറി അനുവദിക്കുക, സുരക്ഷാ ഉദ്യോഗസ്ഥരെ വിന്യസിക്കുക, ബ്രീത് അനലൈസര്‍ ഉപയോഗിച്ചുള്ള പരിശോധനയടക്കം കര്‍ശനമാക്കുക തുടങ്ങിയ നിര്‍ദേശങ്ങള്‍ പദ്ധതിയുടെ ഭാഗമായി പ്രഖ്യാപിച്ചിട്ടുണ്ട്. ഇതിനു പുറമെ പോലീസുമായി എളുപ്പത്തില്‍ ബന്ധപ്പെടാനായി പ്രത്യേക മൊബൈല്‍ ആപ്പും സജ്ജീകരിക്കും.
കേസിലെ പ്രതി സഞ്ജയ് റോയിയുടെ നാര്‍ക്കോ അനാലിസിസ് പരിശോധന നടത്താന്‍ സി ബി ഐ തീരുമാനിച്ചിട്ടുണ്ട്. ഇതിനായി ഡല്‍ഹിയിലെ സെന്‍ട്രല്‍ ഫോറന്‍സിക് സയന്‍സ് ലബോറട്ടറിയില്‍ നിന്നുള്ള ഉദ്യോഗസ്ഥര്‍ കൊല്‍ക്കത്തയില്‍ എത്തി.
Latest
ചിതല്‍വെട്ടിയെ ഭീതിയിലാഴ്ത്തിയ പുലി ഒടുവില്‍ കൂട്ടിലായി
സിപിഎം സംസ്ഥാന സെക്രട്ടറിയേറ്റില്‍ പങ്കെടുക്കാനായി ഇ പി ജയരാജന്‍ തലസ്ഥാനത്തെത്തി; വിവാദങ്ങളോട് പ്രതികരിച്ചില്ല
നീലേശ്വരം വെടിക്കെട്ട് അപകടം; ഒരാള്‍ കൂടി മരിച്ചു
കണ്ണൂരില്‍ നാടക സംഘം സഞ്ചരിച്ച മിനി ബസ് മറിഞ്ഞ് രണ്ട് മരണം
സംസ്ഥാന സ്‌കൂള്‍ ശാസ്ത്രോത്സവത്തിന് ഇന്ന് ആലപ്പുഴയില്‍ തുടക്കം
മരുന്നുവില ഇരട്ടിയോളം കൂട്ടി കേന്ദ്രം
