National
ഡല്‍ഹിയില്‍ നാലുവയസുകാരിയെ പീഡിപ്പിച്ചെന്ന പരാതിയിൽ ഡോക്ടര്‍ അറസ്റ്റില്‍
വയറുവേദനയെ തുടർന്ന് ക്ലിനിക്കിൽ പരിശോധനക്ക് എത്തിയ കുട്ടിയാണ് പീഡനത്തിനിരയായത്.
ആദര്‍ശ് നഗര്‍ | ഡല്‍ഹിയിലെ ആദര്‍ശ് നഗറിലെ ഒരു ക്ലിനിക്കില്‍ 55 കാരനായ ഡോക്ടര്‍ നാല് വയസുകാരിയെ പീഡിപ്പിച്ചതിന് അറസ്റ്റിലായി. ഞായറാഴ്ചയാണ് സംഭവം.
വയറുവേദനയെ തുടർന്നാണ് പെൺകുട്ടിയെ ക്ലിനിക്കിൽ പരിശോധനക്ക് കൊണ്ടുപോയത്. ക്ലിനിക്കില്‍ കയറിയപ്പോഴാണ് പേഴ്സ് മറന്നുപോയ കാര്യം കുട്ടിയുടെ അമ്മ ഓര്‍ത്തത്. അത് എടുക്കാന്‍ പുറത്തേക്ക് പോയ സമയം ഡോക്ടര്‍ മകളുടെ വസ്ത്രത്തിനുള്ളില്‍ കൈ വയ്ക്കുന്നതും, സ്പര്‍ശിക്കുന്നതും കണ്ടതായി യുവതി ആരോപിച്ചു.
അതിജീവിതയുടെ അമ്മയുടെ പരാതിയുടെ അടിസ്ഥാനത്തില്‍ കുട്ടികള്‍ക്കെതിരായ ലൈംഗികാതിക്രമങ്ങളില്‍ നിന്നുള്ള സംരക്ഷണ നിയമം, ഇന്ത്യന്‍ ശിക്ഷാനിയമത്തിലെ സെക്ഷന്‍ 354 (എ) (ലൈംഗിക പീഡനം) എന്നിവ പ്രകാരം കേസെടുത്തതായി ഡെപ്യൂട്ടി പോലീസ് കമ്മീഷണര്‍ (നോര്‍ത്ത് വെസ്റ്റ്) ജിതേന്ദര്‍ കുമാര്‍ മീണ പറഞ്ഞു. കുറ്റാരോപിതനായ ഡോക്ടറെ അറസ്റ്റ് ചെയ്തിട്ടുണ്ടെന്നും വിഷയം അന്വേഷിച്ചുവരികയാണെന്നും അദ്ദേഹം കൂട്ടിച്ചേര്‍ത്തു.
Latest
മുജാഹിദുകള്‍ക്കിടയില്‍ വീണ്ടും ജിന്ന് വിവാദം; സ്വന്തം ഗ്രൂപ്പിനെ തള്ളി ഹുസൈന്‍ മടവൂര്‍
ഹജ്ജ് കമ്മിറ്റി മുഖേന പോകുന്നവര്‍ മറ്റ് സാങ്കേതിക ക്ലാസ്സുകളില്‍ പങ്കെടുക്കേണ്ടതില്ല
അഹമ്മദാബാദില്‍ അംബേദ്കറുടെ പ്രതിമ അടിച്ചുതകര്‍ത്തു
ബഹിരാകാശത്ത് വിത്ത് മുളപ്പിക്കാന്‍ ഐ എസ് ആര്‍ ഒ വിക്ഷേപണം ഈ മാസം 30ന്
സര്‍ക്കാര്‍ നിര്‍ദേശം തള്ളാന്‍ പി എസ് സിക്ക് അധികാരമില്ല
കോവളത്ത് തീക്കൊളുത്തി ആത്മഹത്യാ ശ്രമം; 43കാരന്‍ ആശുപത്രിയില്‍
