ഡാറ്റ ബേങ്കില്‍ നികത്തു ഭൂമി എന്ന് രേഖപ്പെടുത്തരുത്; ഹൈക്കോടതി

കൊച്ചി| ഡാറ്റ ബേങ്കില്‍ നികത്തു ഭൂമി എന്ന് രേഖപ്പെടുത്തുന്നത് വ്യവസ്ഥക്ക് വിരുദ്ധവും അനാവശ്യവുമാണെന്ന് ഹൈക്കോടതി. നെല്‍വയല്‍, തണ്ണീര്‍ത്തടം എന്നിങ്ങനെ മാത്രമാണ് ചേര്‍ക്കേണ്ടതെന്ന് ജസ്റ്റിസ് സിയാദ് റഹ്മാന്‍ വ്യക്തമാക്കി.

10 വര്‍ഷത്തിലേറെയായി നികത്തു ഭൂമിയെന്ന് വിശേഷിപ്പിച്ചിരിക്കുന്ന ഇടപ്പള്ളി ലൈന്‍ പ്രോപ്പര്‍ട്ടീസിന്റെ ഭൂമി ഡാറ്റ ബേങ്കില്‍ നിന്ന് നീക്കാന്‍ നിര്‍ദേശം നല്‍കി പുറപ്പെടുവിച്ച ഉത്തരവിലാണ് നിരീക്ഷണം.

2008ലെ നെല്‍വയല്‍, തണ്ണീര്‍ത്തട സംരക്ഷണ നിയമ പ്രകാരം ഡാറ്റ ബേങ്ക് തയാറാക്കാനുള്ള വകുപ്പനുസരിച്ച് ‘നെല്‍വയല്‍’, ‘തണ്ണീര്‍ത്തടം’ എന്നിങ്ങനെയല്ലാതെ ഡാറ്റ ബേങ്കില്‍ രേഖപ്പെടുത്താന്‍ വ്യവസ്ഥയില്ല.