Kerala
31 വരെ കാത്തിരിക്കേണ്ട; നേരത്തെ തന്നെ റേഷന്‍ വിഹിതം കൈപ്പറ്റണമെന്ന് പൊതുവിതരണ വകുപ്പ്
മെയ് മാസത്തെ റേഷന്‍ വിതരണം 31ാം തിയതി അവസാനിക്കുകയും ജൂണ്‍ മാസത്തെ റേഷന്‍ വിതരണം ജൂണ്‍ 3ന് ആരംഭിക്കുകയും ചെയ്യും.
പത്തനംതിട്ട | മാസം അവസാനം വരെ കാത്തിരിക്കാതെ റേഷന്‍ കാര്‍ഡുടമകള്‍ നേരത്തേ തന്നെ റേഷന്‍ വിഹിതം കൈപ്പറ്റണമെന്ന് സംസ്ഥാന പൊതുവിതരണ വകുപ്പ് കമ്മീഷണര്‍ അറിയിച്ചു. ഇതിനോടകം സംസ്ഥാനത്തെ 52 ലക്ഷത്തിലധികം റേഷന്‍ കാര്‍ഡ് ഉടമകള്‍ തങ്ങളുടെ മെയ് മാസത്തെ റേഷന്‍ വിഹിതം കൈപ്പറ്റിയിട്ടുണ്ട്. റേഷന്‍ വിതരണം സുഗമമായി നടക്കുന്ന സാഹചര്യത്തില്‍ മെയ് മാസത്തെ റേഷന്‍ വിതരണം 31ാം തിയതി അവസാനിക്കുകയും ജൂണ്‍ മാസത്തെ റേഷന്‍ വിതരണം ജൂണ്‍ 3ന് ആരംഭിക്കുകയും ചെയ്യും.
സംസ്ഥാനത്ത് കാലവര്‍ഷം ശക്തമായ സാഹചര്യത്തില്‍ വെള്ളം കയറാന്‍ സാധ്യതയുള്ള എന്‍ എഫ് എസ് എ ഗോഡൗണുകളിലേയും റേഷന്‍കടകളിലേയും സ്റ്റോക്ക് സുരക്ഷിത സ്ഥാനത്തേയ്ക്ക് മാറ്റുന്നതിന് താലൂക്ക് സപ്ലൈ ഓഫീസര്‍മാര്‍ പ്രത്യേകം ശ്രദ്ധിക്കുകയും ആവശ്യമായ നടപടികള്‍ സ്വീരിക്കേണ്ടതുമാണെന്ന് കമ്മീഷണര്‍ അറിയിച്ചു. എന്‍ എഫ് എസ് എ ഗോഡൗണുകളില്‍ ഉണ്ടാകുന്ന ക്രമക്കേടുകള്‍ക്ക് ചില ഉദ്യോഗസ്ഥരെ മാത്രം ബലിയാടാക്കുന്ന രീതി നിലവിലുണ്ട്. എന്നാല്‍ ഇത്തരം ക്രമക്കേടുകള്‍ ഉണ്ടാകുന്ന സാഹചര്യത്തില്‍ പോലീസ് വിജിലന്‍സ് അന്വേഷണം നടത്തി കുറ്റക്കാരായ ഉദ്യോഗസ്ഥ-അനുദ്യോഗസ്ഥരായ മുഴുവന്‍ പേര്‍ക്കെതിരെയും നിയമ നടപടികള്‍ സ്വീകരിക്കുമെന്നും കമ്മീഷണര്‍ അറിയിച്ചു.
Latest
കുടുംബാരോഗ്യ കേന്ദ്രങ്ങളില്‍ 570 തസ്തികകള്‍ സൃഷ്ടിക്കും
സംസ്ഥാനങ്ങളുടെ അധികാരം ഇല്ലാതാക്കാനുള്ള നീക്കം; യു ജി സി കരട് ഭേദഗതിക്കെതിരെ മുഖ്യമന്ത്രി
സമാധി കേസ്: കല്ലറ പൊളിച്ചുമാറ്റി നാളെ പരിശോധന
വന നിയമ ഭേദഗതി വേണ്ടെന്നുവച്ച് സംസ്ഥാന സര്‍ക്കാര്‍
ചന്ദ്രനിലേക്ക് രണ്ട് ലാന്‍ഡറുകള്‍ ഒരുമിച്ച് വിക്ഷേപിച്ച് സ്പേസ് എക്‌സ്
25,000 കോടി രൂപയുടെ ലഹരിമരുന്ന് പിടികൂടിയ കേസ്; ഇറാനിയന്‍ പൗരനെ വെറുതെവിട്ടു
