Uae
അബൂദബി എയര്‍പോര്‍ട്ടിലേക്കും മറ്റും ഡ്രൈവറില്ലാ യൂബര്‍
സാദിയാത്ത് ദ്വീപ്, യാസ് ദ്വീപ്, സായിദ് ഇന്റര്‍നാഷണല്‍ എയര്‍പോര്‍ട്ടിലേക്കുള്ള റൂട്ടുകള്‍ എന്നിവയുള്‍പ്പെടെയുള്ള പ്രദേശങ്ങളില്‍ തുടക്കത്തില്‍ ഈ സേവനം ലഭ്യമാകും.
അബൂദബി| നഗരത്തിന്റെ ചില ഭാഗങ്ങളില്‍ ഇപ്പോള്‍ ഡ്രൈവറില്ലാ സവാരി നടത്താനാവും. സാദിയാത്ത് ദ്വീപ്, യാസ് ദ്വീപ്, സായിദ് ഇന്റര്‍നാഷണല്‍ എയര്‍പോര്‍ട്ടിലേക്കുള്ള റൂട്ടുകള്‍ എന്നിവയുള്‍പ്പെടെയുള്ള പ്രദേശങ്ങളില്‍ തുടക്കത്തില്‍ ഈ സേവനം ലഭ്യമാകും. ഭാവിയില്‍ അബൂദബിയിലെ മറ്റ് പ്രദേശങ്ങളിലേക്കും പ്രവര്‍ത്തനം വ്യാപിപ്പിക്കാന്‍ പദ്ധതിയിട്ടിട്ടുണ്ട്.
പ്രസിഡന്‍ഷ്യല്‍ കോര്‍ട്ട് ഫോര്‍ സ്‌പെഷ്യല്‍ അഫയേഴ്‌സ് ഡെപ്യൂട്ടി ചെയര്‍മാന്‍ ശൈഖ് ഹംദാന്‍ ബിന്‍ മുഹമ്മദ് ബിന്‍ സായിദ് അല്‍ നഹ്്യാന്‍ സ്വയംഭരണ മൊബിലിറ്റി സേവനം ആരംഭിക്കുന്ന ചടങ്ങിന് കഴിഞ്ഞ ദിവസം സാക്ഷ്യം വഹിച്ചു. ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്ററിന്റെ (അബൂദബി മൊബിലിറ്റി) പിന്തുണയോടെ യുബര്‍ പ്ലാറ്റ്‌ഫോമില്‍ വിറൈഡ് ഫ്ലീറ്റ് പ്രവര്‍ത്തിപ്പിക്കുന്നതിന് തവാസുല്‍ ട്രാന്‍സ്‌പോര്‍ട്ടിനാണ് ഉത്തരവാദിത്തം.
ഗതാഗതം മെച്ചപ്പെടുത്തുന്നതിനും അത്യാധുനിക സാങ്കേതിക വിദ്യകള്‍ സ്വീകരിക്കുന്നതിനുമുള്ള ശ്രമങ്ങളിലെ സുപ്രധാന ചുവടുവെപ്പാണ് ഈ സംരംഭമെന്നും പുതിയ ഗതാഗത സേവനം യാത്രക്കാര്‍ക്ക് സവിശേഷവും സുരക്ഷിതവുമായ അനുഭവം പ്രദാനം ചെയ്യുമെന്നും ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്റര്‍ ആക്ടിംഗ് ഡയറക്ടര്‍ ജനറല്‍ ഡോ. അബ്ദുല്ല അല്‍ ഗഫ്്‌ലി പറഞ്ഞു. 2025-ല്‍ ഡ്രൈവറില്ലാ സേവനങ്ങളുടെ സമ്പൂര്‍ണ സമാരംഭത്തിന് തുടക്കമിടുന്നതാണിത്. യൂബര്‍ ആപ്പ് ഉപയോക്താക്കള്‍ക്ക് ആപ്ലിക്കേഷന്റെ വി റൈഡ് വിഭാഗം വഴി സേവനം തിരഞ്ഞെടുക്കാം.
Latest
ഹയര്‍ സെക്കന്‍ഡറി പരീക്ഷാ സമയം പുനഃക്രമീകരിക്കണം: കേരള മുസ്‌ലിം ജമാഅത്ത്
പാര്‍ലിമെന്റ് സമ്മേളനത്തിന് ഇന്ന് തുടക്കം; ബജറ്റ് നാളെ
കുപ്രസിദ്ധ ഗുണ്ട തീക്കാറ്റ് സാജന്‍ പിടിയില്‍
ഡി സോണ്‍ കലോത്സവത്തിലെ സംഘര്‍ഷം: 10 എസ് എഫ് ഐ പ്രവര്‍ത്തകര്‍ക്കെതിരെ കേസ്
ജനുവരിയിലെ റേഷന്‍ വിതരണം ഫെബ്രുവരി നാലുവരെ ദീര്‍ഘിപ്പിച്ചു
അടിയന്തര ഘട്ടത്തില്‍ സര്‍ക്കാര്‍ ഡോക്ടര്‍ക്ക് സ്വകാര്യ ഡോക്ടറുടെ സേവനം തേടാമോ?; വ്യക്തത തേടി മനുഷ്യാവകാശ കമ്മീഷന്‍
