മയക്കു മരുന്ന് കേസ്; നടിയുടെ സഹോദരന്‍ ഉള്‍പ്പെടെ 11 പേര്‍ അറസ്റ്റില്‍

ബെംഗളൂരു | ബോളിവുഡ് നടിയുടെ സഹോദരന്‍ ഉള്‍പ്പെടെ 11 പേര്‍ മയക്കു മരുന്ന് കേസില്‍ അറസ്റ്റില്‍. നടി രാകുല്‍ പ്രീത് സിംഗിന്റെ സഹോദരന്‍ അമന്‍ പ്രീത് സിംഗ് അടക്കമാണ് ഹൈദരാബാദില്‍ അറസ്റ്റിലായത്. തെലങ്കാന ആന്റി നര്‍കോട്ടിക്‌സ് ബ്യൂറോയും സൈബരാബാദ് പൊലീസും ചേര്‍ന്ന് നടത്തിയ റെയ്ഡിനിടെയാണ് അറസ്റ്റ്.

അഞ്ച് മയക്ക് മരുന്ന് വില്‍പ്പനക്കാരും വാങ്ങാന്‍ വന്ന ആറു പേരുമാണ് പിടിയിലായത്. വാങ്ങാനെത്തിയ സംഘത്തിലായിരുന്നു അമന്‍ ഉണ്ടായിരുന്നത്.

അറസ്റ്റിലായവരില്‍ നിന്ന് 35 ലക്ഷം രൂപ വില വരുന്ന 200 ഗ്രാം കൊക്കെയ്‌നും രണ്ട് പാസ്‌പോര്‍ട്ടും രണ്ട് ബൈക്കും 10 മൊബൈല്‍ ഫോണും പിടിച്ചെടുത്തു.