National
വിദേശത്തേക്ക് കോടിക്കണക്കിന് രൂപയുടെ ലഹരിക്കടത്ത്; ഒളിവിലായിരുന്ന ഡിഎംകെ മുന്‍ നേതാവ് പിടിയില്‍
ലഹരിക്കടത്തിലൂടെ ലഭിച്ച പണം രാഷ്ട്രീയ പാര്‍ട്ടികളുടെ ഫണ്ടിംഗിനും സിനിമാ നിര്‍മ്മാണത്തിനും ഉപയോഗിച്ചുവെന്നാണ് കണ്ടെത്തല്‍
ന്യൂഡല്‍ഹി | വിദേശത്തേക്ക് കോടിക്കണക്കിന് രൂപയുടെ ലഹരിമരുന്ന് കടത്തിയ സംഘത്തിന്റെ തലവനും ഡിഎംകെ മുന്‍ നേതാവുമായ ജാഫര്‍ സാദിഖ് പിടിയില്‍. സിനിമ നിര്‍മാതാവ് കൂടിയായ ഇയാളെ രാജസ്ഥാനില്‍ ഒളിവില്‍ കഴിയവെയാണ് നാര്‍കോട്ടിക് കണ്‍ട്രോള്‍ ബ്യൂറോ (എന്‍സിബി) അറസ്റ്റുചെയ്തത്.
ഓസ്‌ട്രേലിയ, ന്യുസീലന്‍ഡ്, മലേഷ്യ എന്നിവിടങ്ങളിലേക്ക് 3500 കോടി രൂപയുടെ ലഹരി മരുന്ന് ജാഫറിന്റെ നേതൃത്വത്തിലുള്ള സംഘം കടത്തിയതായി എന്‍സിബി അറിയിച്ചു. ഇക്കഴിഞ്ഞ മൂന്ന് വര്‍ഷത്തിനിടെയാണ് ഇത്രയും ലഹരിമരുന്നുകള്‍ സംഘം കടത്തിയത്.45 പാഴ്‌സലുകളിലായി 3,500 കിലോഗ്രാം സ്യൂഡോഫെഡ്രിന്‍ ഓസ്ട്രേലിയയിലേക്ക് അയച്ചതായി എന്‍സിബി ഡെപ്യൂട്ടി ഡയറക്ടര്‍ ജനറല്‍ ജ്ഞാനേശ്വര്‍ സിംഗ് പറഞ്ഞു. നാളികേരത്തിലും ഡ്രൈ ഫ്രൂട്ടിലും ഒളിപ്പിച്ചാണ് സ്യൂഡോഫെഡ്രിന്‍ വിദേശത്തേക്ക് കടത്തിയത്.
ലഹരിക്കടത്തിലൂടെ ലഭിച്ച പണം രാഷ്ട്രീയ പാര്‍ട്ടികളുടെ ഫണ്ടിംഗിനും സിനിമാ നിര്‍മ്മാണത്തിനും ഉപയോഗിച്ചുവെന്നാണ് കണ്ടെത്തല്‍ . തമിഴ് സിനിമയിലെയും രാഷ്ട്രീയത്തിലെയും പല പ്രമുഖര്‍ക്കും ലഹരിക്കടത്തുമായി ബന്ധമുണ്ടെന്ന് ജാഫര്‍ മൊഴി നല്‍കിയതായും എന്‍സിബി പറഞ്ഞു.
Latest
വടകര കരിമ്പനപ്പാലത്ത് നിര്‍ത്തിയിട്ട കാരവനില്‍ രണ്ടുപേര്‍ മരിച്ച നിലയില്‍
മുസ്‌ലിം വേള്‍ഡ് ലീഗ് സെക്രട്ടറി ജനറല്‍ മാര്‍പാപ്പയുമായി കൂടിക്കാഴ്ച നടത്തി
സഊദിയില്‍ കുറ്റകൃത്യങ്ങളുടെ നിരക്ക് കുറഞ്ഞു: ആഭ്യന്തര മന്ത്രാലയം
'മാനുഷിക പ്രതികരണത്തിന്റെ ഭാവി പര്യവേക്ഷണം'; റിയാദ് ഇന്റര്‍നാഷണല്‍ ഹ്യുമാനിറ്റേറിയന്‍ ഫോറം ഫെബ്രുവരിയില്‍
വിഖ്യാത സംവിധായകന്‍ ശ്യാം ബെനഗല്‍ അന്തരിച്ചു
ഗസ്സയില്‍ 24 മണിക്കൂറിനിടെ 58 പേരെ കൂടി കൊന്നു; അഭയാര്‍ഥി ക്യാമ്പുകളിലും ബോംബുവര്‍ഷം
